चेहऱ्यावर ब्लॅकहेड्स असणं त्वचेशी संबंधित सर्वात सामान्य समस्यांपैकी एक आहे. धूळ, घाम आणि प्रदूषणाच्या सतत संपर्कात आल्याने त्वचेवर ब्लॅकहेड्स आणि व्हाइटहेड्स येतात. धूळ एकाजागी जमा झाल्याने ब्लॅकहेड्स तयार होतात, जे वेळोवेळी दूर करणे गरजेचं असतं. हे ब्लॅकहेड्स दूर करण्यासाठी अनेक लोक वेगवेगळ्या क्रीम, फेस मास्क आदींचा वापर करतात. यातीलच एक घरगुती उपाय म्हणजे तांदळाचं पीठ. त्वचेवरील अतिरिक्त तेल शोषूण घेण्यासाठी ब्लॅकहेड्स दूर करण्यासाठी तांदळाच्या पिठाचा वापर करता येऊ शकतो. चला जाणून घेऊ कसा करावा वापर...

दही आणि तांदळाचं पीठ

(Image Credit : boldsky.com)

दही आणि तांदळाचं पीठ चांगल्याप्रकारे मिश्रित करून पेस्ट तयार करा. आता ही पेस्ट ब्लॅकहेड्सवर कमीत कमी अर्ध्या तासांसाठी लावून ठेवा. नंतर हळूहळू हलक्या हाताने स्क्रब करा आणि चेहरा पाण्याचे स्वच्छ करा.

अ‍ॅलोवेरा आणि तांदळाचं पीठ

ताजं अ‍ॅलोवेरा जेल घेऊन त्यात तांदळाचं पीठ मिश्रित करा. ही पेस्ट चेहऱ्यावर लावा. हळूहळू चेहऱ्यावर स्क्रब करा. याने ब्लॅकहेड्स मुळातून काढण्यासाठी मदत होईल. कमीत कमी १० मिनिटांपर्यंत थांबा आणि नंतर चेहरा पाण्याने धुवा.

संत्र्याच्या सालीचं पावडर आणि तांदळाचं पीठ

(Image Credit : springwise.com)

संत्र्याच्या सालीचं पावडर आणि तांदळाचं पीठ लावल्याने ब्लॅकहेड्सपासून सुटका मिळवण्यास मदत मिळते. यासाठी संत्र्याच्या सालीचं पावडर, तांदळाचं पीठ, गुलाबजल आणि बेसन घ्या. यांची पेस्ट तयार करून चेहऱ्यावर लावा आणि २० मिनिटे तशीच चेहऱ्यावर लावून ठेवा. नंतर चेहरा चांगल्याप्रकारे स्क्रब करा. काही वेळाने चेहरा धुवा.

साखर आणि तांदळाचं पीठ

तांदळाच्या पिठात मध, साखर आणि बेसन मिश्रित करा. याची पेस्ट तयार करा आणि ब्लॅकहेड्सवर लावा. जवळपास १० मिनिटांपर्यंत पेस्ट चेहऱ्यावर लावूनच ठेवा. नंतर चेहऱ्यावर हळूहळू स्क्रब करा आणि काही मिनिटांनी चेहरा धुवा.

(टिप : वरील उपाय आणि सल्ले हे केवळ माहिती म्हणून देण्यात आले आहेत. यांचा वापर करण्याआधी एकदा तज्ज्ञांचा सल्ला नक्की घ्यावा किंवा पेस्टची आधी टेस्ट घ्यावी. काही साइड इफेक्ट झाले नसतीलच चेहऱ्यावर लावावी.)

Web Title: How to use rice flour to get rid of blackheads from face

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.