धुरळा उडवत निघून गेलेली डस्टर परत आली! शहरात ८० टक्के रनिंग ईव्ही मोडवर, वाचवा किती वाचवायचे तेवढे पेट्रोल... 

New Renault Duster 2026 Launched in India: Renault Duster 2026 अखेर भारतात सादर! १० लाख रुपयांपासून किंमत सुरू होण्याची शक्यता. हायब्रीड इंजिन, ADAS आणि प्री-बुकिंगबद्दल सविस्तर माहिती. वाचा एका क्लिकवर.

भारतीय रस्त्यांवर एकेकाळी राज्य करणाऱ्या 'रेनॉ डस्टर' चे नवीन पिढीतील मॉडेल अखेर आज २६ जानेवारी २०२६ रोजी भारतातून अधिकृतपणे जगासमोर आले आहे. आधुनिक डिझाइन, हाय-टेक फीचर्स आणि शक्तिशाली इंजिन पर्यायांसह डस्टरने पुन्हा एकदा एसयूव्ही प्रेमींचे लक्ष वेधून घेतले आहे.

नवीन डस्टरची एक्स-शोरूम किंमत अंदाजे १० लाख रुपयांपासून सुरू होण्याची शक्यता आहे. कंपनीने २१,००० रुपयांच्या टोकन रक्कमेवर या गाडीचे प्री-बुकिंग सुरू केले असून, किमतींची अधिकृत घोषणा मार्च २०२६ मध्ये केली जाणार आहे. डस्टरचे पार्ट ९० टक्के हे भारतात बनविण्यात आलेले आहेत. यामुळे किंमत आटोक्यात ठेवण्याचा प्रयत्न कंपनीचा आहे. धक्कादायक बाब म्हणजे नवीन डस्टरमध्ये ७०० लिटर बूट स्पेस आहे. 

काय आहेत नवीन वैशिष्ट्ये?

इंजिन क्षमता: नवीन डस्टरमध्ये १६३ PS पॉवर देणारे 'TCe 160' टर्बो पेट्रोल इंजिन आणि १.८ लीटरचे स्ट्रॉन्ग हायब्रीड इंजिन देण्यात आले आहे. शहरात हायब्रिड कार ८० टक्के ईव्ही मोडमध्ये म्हणजेच इलेक्ट्रिक मोडमध्ये चालेल, असा दावा कंपनीने केला आहे. यासाठी १.४ किलोवॅटची बॅटरी देण्यात आली आहे. 

इंटिरिअर: यात १०.१ इंचाची टचस्क्रीन, ७ इंचाचा डिजिटल इन्स्ट्रुमेंट क्लस्टर, व्हेंटिलेटेड सीट्स आणि इन-बिल्ट गुगल असिस्टंट सारखी सुविधा आहे.

सुरक्षा: सुरक्षेसाठी यात ६ एअरबॅग्स, ३६०-डिग्री कॅमेरा आणि लेव्हल-२ ADAS (तंत्रज्ञान दिले आहे.

खास आकर्षण: रेनॉने या गाडीसोबत ७ वर्षांची वॉरंटी जाहीर करून ग्राहकांना मोठा दिलासा दिला आहे.

इंजिनचे तीन पर्याय...

१.०-लीटर टर्बो पेट्रोल (TSI): हे इंजिन बजेट ग्राहकांसाठी असेल, जे चांगली पॉवर आणि उत्तम मायलेज देईल.

१.२-लीटर टर्बो पेट्रोल (४८V माईल्ड हायब्रीड): हे इंजिन १३० bhp पॉवर जनरेट करते. यात ४८-व्होल्टची माईल्ड हायब्रीड सिस्टीम दिली आहे, ज्यामुळे गाडीचे मायलेज वाढण्यास मदत होईल.

१.६-लीटर स्ट्रॉन्ग हायब्रीड: सर्वात मोठे आकर्षण म्हणजे डस्टरचे स्ट्रॉन्ग हायब्रीड इंजिन. यात दोन इलेक्ट्रिक मोटर्स आणि १.२ kWh ची बॅटरी देण्यात आली आहे. हे इंजिन शहरातील ८०% ड्रायव्हिंग केवळ इलेक्ट्रिक मोडवर करू शकते, ज्यामुळे इंधनाची मोठी बचत होईल.

डिलिव्हरी कधी मिळणार? 
टर्बो पेट्रोल व्हेरिएंट्सची डिलिव्हरी मार्च २०२६ च्या मध्यापासून सुरू होईल, तर हायब्रीड व्हेरिएंट्ससाठी ग्राहकांना दिवाळी २०२६ पर्यंत वाट पाहावी लागेल. या गाडीची थेट स्पर्धा ह्युंदाई क्रेटा, किया सेल्टोस आणि टाटा सिएरा यांसारख्या गाड्यांशी असणार आहे.