---------------
पथ्रोट येथे महिलेचा विनयभंग
पथ्रोट (अमरावती) : घरामागील अंगणात कपडे वाळत घालताना एकटी असल्याची संधी साधून ३७ वर्षीय महिलेला आलिंगन देऊन विनयभंग केल्याची घटना रविवारी सकाळी ११ वाजता घडली. महिलेच्या तक्रारीवरून आरोपी सतीश प्रकाश वानखडे (३५) विरुद्ध पथ्रोट पोलिसांनी भादंविचे कलम ३५४ (अ), ५०६ अन्वये गुन्हा नोंदविला.
---------------
सावरखेड येथे कोविड लसीकरण
लेहेगाव (अमरावती) : नजीकच्या सावरखेड येथे शुक्रवारी कोविड लसीकरण पार पडले. सरपंच ललिता जोमदे यांच्यासह गावातील ४५ वर्षांपेक्षा अधिक वयोगटातील १०० व्यक्तींचे लसीकरण करण्यात आले. विचोरी प्राथमिक आरोग्य केंद्राच्या मोहोड, योगेश गवई, मानवटकर, मोरे, नम्रता ठवळी, मीरा गायकवाड तसेच उपसरपंच रीशिका तायडे, ग्रामपंचायत सदस्य ज्योत्स्ना ठाकूर, नीलेश टारपे, प्रमोद काळबांडे यांच्या उपस्थितीत लसीकरण पर पडले.
0000000