नुटा’चा उमेदवार रिंगणात नाही!

शिक्षक मतदारसंघ निवडणूक : पाठिंब्यासाठी पुढील महिन्यात बैठक

अकोला: अमरावती विभागीय शिक्षक मतदारसंघाच्या निवडणुकीत निर्णायक सदस्य संख्या असलेली नागपूर युनिर्व्हसिटी टिचर्स असोसिएशन (नुटा) ही संघटना स्वत:चा उमेदवार उतरविणार नसून, कोणत्या उमेदवाराला पाठिंबा द्यायचा याचा निर्णय घेण्यासाठी संघटनेची पुढील महिन्यात बैठक होणार आहे. अमरावती विभागीय शिक्षक मतदारसंघाच्या निवडणुकीचा कार्यक्रम जाहीर झाल्यानंतर उमेदवार आणि इच्छूकही कामाला लागले आहेत. अनेक उमेदवारांनी शिक्षक संघटनांकडे पाठिंब्यासाठी पत्रही पाठविली आहेत. निर्णायक सदस्य संख्या असलेल्या ह्यनुटाह्ण आणि ह्यविज्युक्टाह्ण (विदर्भ ज्युनिअर कॉलेज टिचर्स असोसिएशन) या दोन संघटनांचा पाठिंबा उमेदवारांना महत्त्वाचा वाटतो. त्यामुळे दोन्ही अनेक उमेदवार दोन्ही संघटनांच्या संपर्कात आहे. ह्यविज्युक्टाह्णच्या सदस्यांनीही पाठिंब्यासाठी संघटनेकडे पत्र दिली आहेत; मात्र अद्याप ह्यविज्युक्टाह्णने अधिकृत भूमिका जाहीर केलेली नाही. कोणाला पाठिंबा द्यायचा की, स्वत:च उमेदवार उभा करायचा, याबाबत ह्यविज्युक्टाह्ण पुढील महिन्यात आपली भूमिका जाहीर करणार आहे. ह्यविज्युक्टाह्ण आणि ह्यनुटाह्ण या दोन्ही संघटनांचा पाठिंबा निर्णायक ठरणार आहे. बॉक्स.. सुकाणू समितीचे गठन होणार की नाही? गेल्या निवडणुकीत पाठिंबा देण्यासाठी चार संघटनांच्या सुकाणू समितीची स्थापना करण्यात आली होती. त्या समितीमध्ये नुटाचाही समावेश होता. यंदाच्या निवडणुकीत सुकाणू समिती स्थापन होते की नाही, हे लवकरच स्पष्ट होईल.