टपाली मतांची होणार प्रथम मोजणी काऊंटडाऊन सुरु

मतमोजणीची प्रतीक्षा संपण्याची घटका जवळ आली आहे. त्यामुळे नागरिकांची उत्सुकता शिगेवर आहे. गुरुवार १५ मे रोजी सायंकाळपर्यंत निवडणूक

आयोगाच्या नवीन सूचनांची अंमलबजावणी

गजानन मोहोड  अमरावती

मतमोजणीची प्रतीक्षा संपण्याची घटका जवळ आली आहे. त्यामुळे नागरिकांची उत्सुकता शिगेवर आहे. गुरुवार १५ मे रोजी सायंकाळपर्यंत निवडणूक विभागाकडे प्राप्त झालेल्या पोस्टल बॅलेटची प्रथम मोजणी होईल. त्यानंतर अमरावती लोकसभा मतदारसंघात समाविष्ट ६ विधानसभा संघनिहाय मतमोजणी केली जाईल, अशी माहिती निवडणूक विभागाने दिली. अमरावती लोकसभेच्या मतमोजणीची तयारी पूर्ण झाली आहे.यासाठी अधिकारी व कर्मचार्‍यांचा प्रशिक्षण वर्ग घेण्यात आला. शुक्रवारी सकाळी ८ वाजता पोस्टल मतांची मोजणी होईल. यासाठी प्रत्येक उमेदवाराच्या एका प्रतिनिधीला आत प्रवेश दिला जाईल. त्यानंतर मतदान यंत्रांची मोजणी सुरु होईल. त्यानंतर सर्व विधानसभा मतदार संघातील मतमोजणी एकाच वेळी सुरु करण्यात येणार आहे. अशी होणार मतमोजणी सकाळी ६.३० मिनिटांनी ईव्हीएम मशीनच्या स्ट्राँग रुम उघडणार. विधानसभा मतदार संघनिहाय असणार टेबल प्रत्येक टेबलवर एका उमेदवाराच्या एका प्रतिनिधीला प्रवेश निवडणूक निरीक्षक प्रत्येक राऊंडच्या दोन मशीन्सची तपासणी करणार. मतमोजणीत चूक आढळल्यास मोजणी करणार्‍या कर्मचार्‍यावर कारवाई चूक करणार्‍या कर्मचार्‍याद्वारे मोजण्यात आलेल्या त्या राऊंडच्या सर्व मशीन्सची फेरमोजणी करण्याच्या सूचना आहेत मतमोजणी अधिकार्‍यांनी हस्तलिखीत व संगणकीय बेरीज करायची आहे.

बेरजा तपासणीसाठी बँकाचे अधिकारी मायक्रो निरीक्षक म्हणून भूूमिका बजावतील. शहरात तगडा बंदोबस्त मतमोजणी केंद्रासह शहरात पोलिसांचा तगडा बंदोबस्त राहणार आहे. शहरात २६ ठिकाणी फिक्स पॉर्इंट लावणार असून मतमोजणी केंद्राच्या आत ४ वरिष्ठ निरीक्षक, ३ निरीक्षक, केंद्राच्या आत ८ व बाहेर ५ पोलीस निरीक्षक, सहायक पोलीस निरीक्षक तैनात असतील. याशिवाय अतिशीघ्र दल, केंद्रीय सुरक्षा दलाचे पथक, राज्य राखीव पोलीस दलाचे पथक तैनात असेल. आत गेल्यावर बाहेर येण्याची मुभा नाही. सीसीटीव्हीच्या नजरेसमोर मतमोजणी मतमोजणी केंद्रावर विधानसभा मतदार संघनिहाय १४ टेबल असतील. यासर्व प्रक्रियेवर सीसीटीव्हीची नजर असेल. मीडियासाठी स्वतंत्र व्यवस्था असेल. मतमोजणीदरम्यान जवळपास अडीच हजारांवर लोक मतमोजणी केंद्रावर उपस्थित राहतील.