पुनर्मूल्यांकनासह कर आकारणीत घोळ

भाजप नगरसेवकाची आयुक्तांकडे तक्रार

अकोला : रेल्वे स्टेशन चौकातील आलिशान हॉटेलच्या मालमत्ता पुनर्मूल्यांकनात ह्यहात की सफाईह्ण दाखवणार्‍या कर विभागाने कर आकारणीतही प्रचंड घोळ केल्याचा प्रकार उजेडात आला आहे. या प्रकरणी कर विभागातील दोषी अधिकार्‍यांवर कारवाई करण्याची मागणी बुधवारी प्रभाग क्र.६ मधील भाजपचे नगरसेवक राहुल देशमुख यांनी मनपा आयुक्तांकडे केली. शहरात बांधकाम व्यवसायात आघाडीवर असलेल्या एका तरुण बांधकाम व्यावसायिकाचे रेल्वे स्थानक परिसरात आलिशान हॉटेल आहे. तीन वर्षांपूर्वी बांधण्यात आलेल्या हॉटेलला मालमत्ता कराची आकारणी करण्यासाठी कर विभागाने मालमत्तेचे पुनर्मूल्यांकन केले. २0१२ मध्ये कर आकारणीची नोटीस बजावल्यानंतर थेट १ जानेवारी २0१४ मध्ये कर आकारणी करण्यात आली. तत्कालीन उपायुक्त जी.एम.पांडे, कर अधीक्षक विजय पारतवार, कर निरीक्षक नंदू उजवणे यांनी आकारणी केलेल्या दस्तऐवजावर लिपीक आबेद अली यांनी मात्र स्वाक्षरी करण्याचे टाळले. यामध्ये संबंधित हॉटेल व्यावसायिकाला केवळ १ लाख १0 हजार २00 रुपये कर आकारला. मुळात, संबंधित मालमत्तेचे पुनर्मूल्यांकन चुकीच्या पद्धतीने झाल्याची माहिती आहे. या प्रकरणी दोषी अधिकार्‍यांवर कारवाई करण्याची मागणी या प्रभागाचे नगरसेवक राहुल देशमुख यांनी मनपा प्रशासनाकडे केली आहे.