सन्मित्रचे मार्शल आर्टपटू विभागस्तरावर

महानगरपालिका क्षेत्र जिल्हास्तरीय शालेय सिकई मार्शल आर्ट स्पर्धेत सन्मित्र पब्लिक स्कूलच्या तीन खेळाडूंचे विभागीय स्पर्धेत स्थान निश्‍चित.

अकोला: जिल्हा क्रीडा अधिकारी कार्यालयाच्या वतीने आयोजित महानगरपालिका क्षेत्र जिल्हास्तरीय शालेय सिकई मार्शल आर्ट स्पर्धेत सन्मित्र पब्लिक स्कूलच्या तीन खेळाडूंनी सवरेत्कृष्ट खेळप्रदर्शन करीत विभागीय स्पर्धेत स्थान निश्‍चित केले. वसंत देसाई क्रीडांगण येथे घेण्यात आलेल्या या स्पर्धेत सन्मित्रचे अक्षय गंडेचा, सोहम पेठे, अभिषेक गायकवाड, विनय किकोट, तुषार राठोड या विद्यार्थ्यांनी सहभाग घेतला होता. यामधून अक्षय गंडेचा, अभिषेक गायकवाड, विनय किकोट यांनी आपल्या वजनगटात प्रथमस्थान पटकाविले. तिघांचीही अमरावती विभागीयस्तर स्पर्धेसाठी निवड झाली आहे. प्राचार्य मनीषा राजपूत, क्रीडा मार्गदर्शक चंद्रकांत लाटेकर यांचे मार्गदर्शन खेळाडूंना लाभले.