सुवर्ण जयंती शिष्यवृत्ती योजना रखडली

हजारो विद्यार्थी शिष्यवृत्तीपासून वंचित.

बुलडाणा : अनुदानीत, विना अनुदानीत, प्राथमिक, माध्यमिक शाळातील इयत्ता पहिली ते दहावीपर्यंत शिक्षण घेणार्‍या आदिवासी विद्यार्थ्यांना शासनाच्या वतीने दिली जाणारी 'सुवर्ण महोत्सवी आदिवासी पूर्व माध्यमिक शिष्यवृत्ती' गेल्या तीन वर्षापासून विद्यार्थ्यांंना मिळाली नाही. पश्‍चिम वर्‍हाडातील अकोला, बुलडाणा आणि वाशिम जिल्ह्यातील एक हजारावर विद्यार्थी या शिष्यवृत्तीपासून वंचित असून प्रशासनाचे मात्र याकडे दुर्लक्ष होत आहे. राज्य शासनाच्या आदिवासी विकास विभागाच्या वतीने अनुसूचित जमातीतील विद्यार्थ्यांना शैक्षणिक खर्च भागविण्यासाठी ह्यसुवर्ण महोत्सवी आदिवासी पूर्व माध्यमिक शिष्यवृत्तीह्ण ही योजना २0१0-११ पासून लागू केली आहे. प्रत्येक वर्षी पहिली ते दहावीच्या विद्यार्थ्यांंना तीन टप्प्यात ही शिष्यवृत्ती दिली जाते. एकात्मिक आदिवासी विकास प्रकल्प कार्यालय संबंधित मुख्याध्यापकांच्या नावे या शिष्यवृत्तीचा धनादेश पाठविते; हा धनादेश वटवून लाभार्थी विद्यार्थ्यांंना त्याचे वाटप करण्याची जबाबदारी संबंधीत शाळांची आहे. मात्र, शाळा व्यवस्थापनाचे पदाधिकारी अनेकवेळा परस्पर तो आपल्या खात्यात जमा करून या शिष्यवृत्तीची रक्कम परस्पर खर्च करतात. यामुळे लाभार्थी गरीब विद्यार्थी वंचित राहतात. विद्यार्थ्यांंचे आता राष्ट्रीयकृत बँकेत खाते आहे, त्यांच्या खात्यात शिष्यवृत्तीची रक्कम जमा करावी असे आदेश असताना शाळा व्यवस्थापन त्याकडे साफ दुर्लक्ष करुन ती देण्यास विलंब करत आहे. बुलडाणा जिल्ह्यात अनुसूचित जातीच्या विद्यार्थ्यांंची संख्या ३00 असून त्यापाठोपाठ वाशिम जिल्ह्यात विद्यार्थ्यांंची संख्या २00 आहे. अकोला जिल्ह्यात सर्वाधिक ५00 विद्यार्थी आहेत. हे सर्व विद्यार्थी शिष्यवृत्तीपासून वंचिंत आहेत.