अभय सोनोने महाराष्ट्र संघात

राष्ट्रीय क्रीडा स्पर्धेत करणार राज्याचे प्रतिनिधीत्व.

अकोला : ६0 वी राष्ट्रीय क्रीडा स्पर्धा दिल्ली येथे २ ते ८ जानेवारी याकालावधीत आयोजित करण्यात आली आहे. यामध्ये बॉक्सिंग या क्रीडाप्रकारात १९ वर्षांंंंखालील गटात श्री शिवाजी महाविद्यालयाचा विद्यार्थी अभय सुनील सोनोने ५४ किलो वजनगटात राज्याचे प्रतिनिधित्व करणार आहे. याआधी चंद्रपूर येथे झालेल्या राज्यस्तरीय शालेय स्पर्धेत अभयने सुवर्णपदक प्राप्त केले. अनेक राष्ट्रीय स्पर्धांमध्ये त्याने महाराष्ट्राला पदक प्राप्त करून दिल्यामुळे, यावेळीदेखील त्याच्याकडून पदकाची अपेक्षा असल्याचे प्राचार्य डॉ. सुभाष भडांगे यांनी सांगितले. राज्य क्रीडा मार्गदर्शक सतीशचंद्र भट्ट, पोलीस उपनिरीक्षक सुनील सोनोने यांचे मार्गदर्शन लाभले.