नगरपंचायतीच्या माध्यमातून शहरातील प्रभागांमध्ये करण्यात आलेल्या विकास कामांचा लोकार्पण सोहळा आमदार विखे यांच्याहस्ते करण्यात आला. याप्रसंगी नगराध्यक्ष शिवाजी गोंदकर, भाजपाचे जिल्हाध्यक्ष राजेंद्र गोंदकर, उपनगराध्यक्ष हरिश्चंद्र कोते, माजी नगराध्यक्ष कैलास कोते, अभय शेळके, ज्ञानेश्वर गोंदकर, जगन्नाथ गोंदकर, रवींद्र गोंदकर, सचिन शिंदे, दत्तात्रय कोते, नितीन कोते, मंगेश त्रिभुवन, सचिन शिंदे, पोपटराव शिंदे, रवींद्र कोते, अशोक गोंदकर, ताराचंद कोते, अरविंद कोते, हिरामन वारुळे, अर्चनाताई कोते, वंदना गोंदकर, मुख्याधिकारी काकासाहेब डोईफोडे उपस्थित होते.
शहरातील प्रभागांमध्ये नगरपंचायतीने चिल्ड्रन पार्क, ओपन जिम, रस्ते, तसेच पेव्हिंग ब्लॉक आदी कामे केली आहेत. लक्ष्मीनगर येथे चर्मकार समाजातील युवकांना सामाजिक न्याय विभागाच्या योजनेतून मंजूर केलेल्या व्यावसायिक शेडचे वितरण करण्यात आले. विविध चौकांच्या सुशोभिकरणाचा भूमिपूजन समारंभही विखे यांच्याहस्ते करण्यात आला.
कोविडमुळे शहराचे अर्थकारण थांबले आहे. कर सवलतीसाठी शासनाकडे प्रस्ताव पाठविला आहे. परंतु याबाबत निर्णय होत नाही. ज्यांचे सरकार आहे, ते इथेच आंदोलन करतात. परंतु नगरपंचायतीने आपल्या अधिकारात काही निर्णय करून नागरिकांना दिलासा द्यावा, असे विखे यांनी सूचित केले.
....................
कोविड संकटामुळे शहरातील हॉटेल व्यावसायिकांपुढे बँकांकडून घेतलेल्या कर्जाचा प्रश्न निर्माण झाला आहे. या प्रश्नाच्या सोडवणुकीसाठी केंद्रीय अर्थराज्यमंत्री डॉ. भागवत कराड यांच्या उपस्थितीत बँकांच्या अधिकाऱ्यांना बोलावून बैठक घेण्यात येणार आहे.
- राधाकृष्ण विखे, आमदार
......................
पायाभूत सुविधांच्या उभारणीबरोबरच शहर सौंदर्यीकरण, मनोरंजनाच्या सुविधा यावर भर देण्यात येत आहे. पदाधिकारी, अधिकारी व ग्रामस्थांची साथ मिळत आहे.
- शिवाजी गोंदकर, नगराध्यक्ष