पद्मश्री विखे पुरस्काराने मुटकुळे, लिंबेकर यांचा गौरव

सहकार चळवळीचे जनक पद्मश्री डॉ. विठ्ठलराव विखे पाटील यांच्या जयंती दिनाचे औचित्य साधून दरवर्षी साहित्य, कलागौरव आणि प्रबोधनात्मक कार्य करणाऱ्या व्यक्तींना पद्मश्री डॉ. विठ्ठलराव विखे पाटील यांच्या नावाने पुरस्कार दिला जातो. अखिल भारतीय मराठी साहित्य संमेलनाच्या अध्यक्षांच्या हस्ते नारळी पौर्णिमेला हे पुरस्कार प्रदान केले जातात. कोरोना संकटामुळे मागील वर्षी पुरस्कार सोहळा होऊ शकला नाही. यंदा पुरस्कारार्थींना त्यांच्या घरी जाऊनच सन्मानित करण्याचा निर्णय आमदार राधाकृष्ण विखे यांच्या मार्गदर्शनाखाली प्रवरा परिवाराने घेतला.

ज्येष्ठ नाट्य दिग्दर्शक डॉ. सोमनाथ मुटकुळे यांच्या ''पुन्हा क्रांतिज्योती'' या साहित्यकृतीस आणि संगमनेर महाविद्यालयातील प्रा. अशोक लिंबेकर यांच्या ''वय कोवळे उन्हाचे'' या ललित लेखसंग्रहास अहमदनगर जिल्हा उत्कृष्ट साहित्य पुरस्काराने गौरविण्यात आले. सन्मानचिन्ह, दहा हजार रुपये असे या पुरस्काराचे स्वरूप आहे. या दोन्ही पुरस्कारर्थीचा डॉ. विखे पाटील कारखान्याचे संचालक कैलास तांबे, डॉ. दिनकर गायकवाड, प्रवरा सहकारी बँकेचे अध्यक्ष अशोक म्हसे, प्रवरा ग्रामीण शिक्षण संस्थेचे संचालक किशोर नावंदर यांनी प्रवरा परिवाराच्या वतीने निवासस्थानी जाऊन पुरस्कार प्रदान केला.

___

फोटो नेम ०६०९२०२१ डॉक्टर सोमनाथ मुटकुळे पुरस्कार प्रदान,

ओळ : डॉ. सोमनाथ मुटकुळे यांना त्यांच्या निवासस्थानी जाऊन प्रवरा परिवाराच्या वतीने गौरविण्यात आले.