पूरग्रस्तांच्या मदतीसाठी खर्डेकरांनी पाठविली मदत

खर्डा : कोकणसह पश्चिम महाराष्ट्रात पूरग्रस्तांसाठी खर्डा (ता. जामखेड) येथील नागरिकांनी ८६ हजारांची रोकड, अन्नधान्य, कपडे, उबदार कपडे, बिस्कीट, औषधे आदी विविध जीवनावश्यक वस्तूंच्या स्वरूपात दीड लाख रुपयांची मदत पाठविली आहे. यासाठी आमदार रोहित पवार यांनी आवाहन केले होते.

यासाठी खर्डा येथील युवकांनी मदतफेरी काढली होती. त्यास गावकऱ्यांनी भरभरून प्रतिसाद दिला. रोकड, धान्य, कपडे, किरणा, गहू, ज्वारी, तांदूळ, औषधे, पाण्याचे बॉक्स आदी जीवनावश्यक वस्तू जमा झाल्या. या मदतफेरीमध्ये राष्ट्रवादी काँग्रेस, ग्रामपंचायत सदस्य, व्यापारी असोसिएशन, डॉक्टर असोसिएशन, हॉटेल व्यावसायिक, मेडिकल असोसिएशन, कृषी सेवा केंद्र विक्रेते आदी संघटनांनी ८६ हजार रुपयांची रोकड जमा केली.

यावेळी उपसरपंच श्रीकांत लोखंडे, माजी पंचायत समिती सदस्य विजयसिंह गोलेकर, सेवा सोसायटीचे अध्यक्ष चंद्रकांत गोलेकर, राष्ट्रवादी काँग्रेसचे शहराध्यक्ष संतोष लष्करे, सामाजिक कार्यकर्ते दत्तराज पवार, ग्रामपंचायत सदस्य गजेंद्र काळे, प्रकाश गोलेकर, महालिंग कोरे, दादा जावळे, अशोक खटावकर, कल्याण सुरवसे, शिवाजी भोसले, बापूसाहेब ढगे, कपिल लोंढे, ज्ञानेश्वर इंगोले, विकास शिंदे, भीमा घोडेराव, अरविंद गुजर, पका काळे आदी ग्रामस्थ उपस्थित होते.

----

२९ खर्डा मदत

खर्डा येथे पूरग्रस्तांसाठी मदत निधी जमा करताना ग्रामस्थ.