चंद्रकांत शेळके
अहमदनगर : स्वातंत्र्यानंतर भारताला अनेकवेळा स्वसंरक्षणासाठी युद्धात भाग घेऊन पाकिस्तानशी लढावे लागले. त्यामधील १९९८ मध्ये पाकिस्तानने केलेल्या घुसखोरीचा नायनाट करण्यासाठी भारताला पाकिस्तानशी दोन हात करावे लागले. भारताचे हे स्वातंत्र्यानंतरचे मोठे युद्ध होते. पाकिस्तान विरुद्धच्या या कारगिल संग्रामात भारतीय स्थलसेनेने अत्यंत महत्त्वाची कामगिरी केली. १९९८ मध्ये सुरू झालेला हा संघर्ष अखेर २६ जुलै १९९९ रोजी थांबला आणि भारताने पाकिस्तानवर अभूतपूर्व असा विजय मिळवला. पाकिस्तानवर मिळवलेल्या विजयाबद्दल दरवर्षी २६ जुलैला भारतामध्ये कारगिल विजय दिवस म्हणून साजरा केला जातो. या विजयाचा भारतीयांना अभिमान आहे तसाच हा विजय सैन्यात येऊ पाहणाऱ्या एनसीसीच्या छात्र सैनिकांसाठी मोठा प्रेरणादायी आहे. या विजय दिवसानिमित्त एनसीसी छात्र आणि अधिकाऱ्यांनी त्यांच्या भावना व्यक्त केल्या.
--------------
इंडियन आर्मीने कारगिलच्या युद्धामध्ये जिवाची पर्वा न करता भारताकरिता दिलेल्या सर्वोच्च बलिदानाची किंमत होऊ शकत नाही.
- कर्नल जीवन झेंडे
-------------
भारतीय सैन्य दलाला गौरवमय परंपरा आहे. ती जोपासण्याचे काम सैन्य दले स्वतःच्या जिवाची पर्वा न करता जोपासत आहे.
- कर्नल विनय बाली
-------------
भारतीय शूरवीरांनी देशासाठी केलेले सर्वोच्च बलिदान हे आमच्याकरिता प्रेरणादायी असून, त्यांच्या वीरमरणामुळे व सर्वोच्च कामगिरीमुळे देश आज सुरक्षित आहे.
- मेजर डॉ. संजय चौधरी
---------
पाकिस्तानने केलेल्या कारवाईला सडेतोड उत्तर देण्याचे काम भारतीय सैन्य दलाने केले आहे. याचा मला अभिमान आहे .
- कॅडेट प्रेमराज गायकवाड
-----------
एनसीसीच्या माध्यमातून मला सैन्य दलात जाऊन भारतीय सैनिकांनी केलेल्या कामगिरीप्रमाणे कार्य करण्याची इच्छा आहे.
- कॅडेट कृष्णा वारे
---------
भारतीय सैनिक व अधिकारी यांनी केलेल्या कारगिलमधील कार्यापासून मला प्रेरणा मिळाली आहे.
- कॅडेट पंकज अनारसे
----------------
भारतीय सैनिकांनी कारगिल युद्धामध्ये केलेले कार्य महत्त्वाचे असून, त्यात त्यांच्या परिवारास जास्तीत जास्त आर्थिक फायदा दिला पाहिजे.
- कॅडेट संदीप नवसरे
------------
कारगिल विजय दिवस हा आमच्यासाठी व नागरिकांसाठी तसेच एनसीसी कॅडेटसाठी अत्यंत महत्त्वाचा असून, विद्यार्थ्यांना प्रेरणा मिळावी म्हणून आम्ही एनसीसी विभागांमध्ये स्वतंत्र दालन सुरू केले आहे.
- प्राचार्य डॉ. बाळ कांबळे
---
फोटो मेल वर पाठवला