देवदैठणला अण्णा हजारेंच्या पाठिंब्यासाठी बेमुदत उपोषण

देवदैठण : श्रीगोंदा तालुक्यातील देवदैठण येथे योगेश्वर शेतकरी संघाचे संस्थापक विलास वाघमारे यांनी ज्येष्ठ समाजसेवक अण्णा हजारेंना पाठिंबा देण्यासाठी प्रजासत्ताक दिनापासून (मंगळवार) बेमुदत उपोषणाला सुरुवात केली आहे.

दोन वर्षांपूर्वी हजारे यांनी रामलिला मैदानावर उपोषण केले होते. उपोषणाच्या सातव्या दिवशी सरकारने स्वामीनाथन आयोग लागू करू, असे लेखी आश्वासन दिले होते. परंतु, अद्याप त्याची कार्यवाही सरकार करू शकले नाहीत.

त्यामुळे हजारे ३० जानेवारीपासून केंद्र सरकारच्या विरोधात शेतकरी हितासाठी उपोषण करणार आहेत. सरकारने अण्णांना दिलेल्या आश्वासनाची अंमलबजावणी करावी. त्यांना या वयात उपोषणाची वेळ येऊ नये, अण्णांच्या उपोषणापूर्वी केंद्र सरकारचे या प्रश्नाकडे लक्ष वेधण्यासाठी विलास वाघमारे उपोषणास बसले आहेत.

यापूर्वी वाघमारे यांनी वेगवेगळ्या मागण्यांसाठी अनेक वेळा उपोषण केले असून, अण्णांना पाठिंब्यासाठी त्यांच्या उपोषणापूर्वी २००८ व २००९ साली असे दोनदा उपोषणास बसले होते.

फोटो : २७ देवदैठण

देवदैठण येथे योगेश्वर शेतकरी संघाचे संस्थापक विलास वाघमारे यांनी ज्येष्ठ समाजसेवक अण्णा हजारेंना पाठिंबा देण्यासाठी बेमुदत उपोषणास सुरुवात केली आहे.