नेवासा : कोरोनाच्या प्रभावामुळे सध्या मोठ्या प्रमाणात रक्ताचा तुटवडा निर्माण झाला आहे. यावर मात करण्यासाठी वर्ल्ड मराठा ऑर्गनायझेशनने जिल्ह्यात दहा ठिकाणी आयोजित केलेल्या रक्तदान शिबिरात ५६१ जणांनी रक्तदान केले.
राज्य रक्त संक्रमण परिषद मुंबई व राज्य शासन यांनी केलेल्या आवाहनाला प्रतिसाद म्हणून हे रक्तदान शिबिर कोविडचे सर्व नियम पाळत पार पडले. वर्ल्ड मराठा ऑर्गनायझेशनचे अध्यक्ष प्रवीण मराठा व कार्याध्यक्ष अवधूत सूर्यवंशी यांच्या मार्गदर्शनाखाली सर्व शिबिरे झाली. अहमदनगर टीमच्या वतीने ८ ऑगस्ट रोजी अहमदनगर, शेवगाव, राशीन, कर्जत, श्रीगोंदा, पारनेर, संगमनेर, शिर्डी, कोपरगाव, श्रीरामपूर या दहा गावांमध्ये शिबिर घेण्यात आले. यामध्ये ५६१ रक्तदात्यांनी रक्तदान केले.
या वेळी जिल्हा आयोजक अभिजीत शेळके, प्रवीण थोरात, संकेत नरसाळे, अनिकेत आवारे, अजय थोरात, सचिन रेडे, निखिल पवार, गणेश अकोलकर, योगेश वरखडे, प्रशांत उगले, अमोल उढाणे, चेतन वाळुंजकर, अक्षय नवले, ऋषिकेश निबे, सुरज देशमुख, श्रुती तुरकणे, आनंद चव्हाण, प्रशांत मोरे, सोमनाथ गायकवाड, किरण गुंजाळ, भारत शिलेदार, ऋषी घोरपडे, प्रशांत काळे, शिवाजी चव्हाण, विशाल सुपेकर, बबन भांडवलकर, दिलीप कोल्हे, तुकाराम कदम यांनी विशेष परिश्रम घेतले.