Ahilyanagar Crime: अहिल्यानगरच्या श्रीरामपूर तालुक्यातील दत्तनगर येथे दारू पिऊन पत्नीला मारहाण करणाऱ्या व चारित्र्यावर संशय घेणाऱ्या पतीची पत्नीने हत्या केली. आंब्याचे लाकूड मारून व गळा आवळून तिने खून केला. याप्रकरणी श्रीरामपूर शहर पोलिस ठाण्यात पत्नीविरुद्ध खुनाचा गुन्हा दाखल करण्यात आला आहे.
शनिवारी सकाळी दत्तनगरचे पोलिस पाटील अनिल गायकवाड यांनी पोलिसांना ही माहिती दिली. जिल्हा परिषद शाळेच्या मागे रडण्याचा आवाज येत असून एक इसम मयत झालेला आहे. त्यावरून पोलिसांनी तेथे जाऊन मृतदेहाची पाहणी केली. प्रथमदर्शनी त्याच्या डोक्याला मार लागलेला होता व डोक्यातून रक्त येत होते. तसेच त्याच्या गळ्यावर उजव्या बाजूला काळ्या रंगाचा व्रण दिसत होता. तेव्हा मानसकुमार शाहू हे तेथे भाडोत्री राहत असल्याचे समजले. याबाबत रश्मिता मानसकुमार शाहू हिच्याकडे चौकशी केली असता तिने मयत इसम हा तिचा पती असल्याचे सांगितले. मात्र, पोलिसांना उडवाउडवीची उत्तरे दिली. मयत पतीचा मृतदेह रुग्णालयात नेण्यास तिने विरोध केला. तत्काळ अंत्यविधी करण्यास ती सांगत होती. त्यावर पोलिसांनी रुग्णवाहिका बोलावून मृतदेह साखर कामगार रुग्णालयात नेला. तेथे उपचारापूर्वीच मयत घोषित करण्यात आले.
मृतदेहाचे लोणीतील प्रवरा रुग्णालयात शवविच्छेदन करण्यात आले. त्यामध्ये वैद्यकीय अधिकारी यांनी अभिप्राय दिला आहे. पोलिस निरीक्षक नितीन देशमुख यांनी मयताच्या पत्नीला विश्वासात घेऊन सखोल चौकशी केली असता तिने पती मानसकुमार शाहू हा दारू पिऊन मारहाण करत असे. संशय घेत असे व त्यामुळे त्याच्या डोक्यात आंब्याचे लाकूड मारून व गळा आवळून मारल्याची तिने कबुली दिली. शहर पोलिस ठाण्याचे पोलिस निरीक्षक नितीन देशमुख यांनी हा खुनाचा प्रकार उघडकीस आणला.
Web Summary : In Ahilyanagar, a wife murdered her husband, who was an alcoholic and suspected her character, by hitting him with wood and strangling him. She confessed, and police arrested her.
Web Summary : अहिल्यानगर में, एक पत्नी ने अपने शराबी और चरित्र पर शक करने वाले पति की लकड़ी से पीटकर और गला घोंटकर हत्या कर दी। उसने कबूल कर लिया, और पुलिस ने उसे गिरफ्तार कर लिया।