वय

लोकमत न्यूज नेटवर्क

काष्टी : तालुक्यातील जनता हे आपलं एक कुटुंब आहे. त्यांच्या कुटुंबातील अडचणी सोडविणे हे आपले कर्तव्य आहे. असे समजून सर्वसामान्य जनतेला न्याय देण्याचे काम सदाशिव पाचपुते करत होते. असा सर्वसामान्यांचा पाठीराखा हरपला, असे असे उद्गार माजी मंत्री प्रा. राम शिंदे यांनी काढले.

जिल्हा परिषद सदस्य सदाशिव पाचपुते यांचे नुकतेच निधन झाले. त्या पार्श्वभूमीवर शिंदे यांनी आ. बबनराव पाचपुते, सुदर्शन, साजन पाचपुते यांच्यासह कुटुंबातील सदस्यांची भेट घेऊन सांत्वन केले. यावेळी दौंडचे आ. राहुल कुल, शिरूरचे आ. अशोक पवार, राष्ट्रवादी काँग्रेस प्रदेश उपाध्यक्ष घनशाम शेलार, भाजप प्रवक्ते अल्लाउद्दीन काझी, शिरुरचे माजी आमदार बाबूराव पाचरणे, बाळासाहेब महाडिक आदी उपस्थित होते.

‘दौंड शुगर’चे अध्यक्ष वीरधवल जगदाळे, दौंडचे नगराध्यक्ष प्रेमसुख कटारिया, उपजिल्हाधिकारी अरुण आनंदकर, विजयसिंह मोकाशी, रणजित शिवतारे, उमेश परहर, वनाधिकारी देवखिळे, आप्पासाहेब पवार, दिलीप भालसिंग, सुधीर भापकर, धनंजय साळुंखे, दशरथ माने, दादासाहेब फराटे, उद्योजक रणजित पाचरणे आदींनी पाचपुते कुटुंबीयांची भेट घेऊन सांत्वन केले.

----

२२ पाचपुते

काष्टी येथील निवासस्थानी पाचपुते कुटुंबातील सदस्यांची भेट घेऊन सांत्वन करताना माजी मंत्री प्रा. राम शिंदे.