गावतलावात बुडून अज्ञात इसमाचा मृत्यू

मंगरुळपीर येथील घटना.

मंगरुळपीर (जि.वाशिम), दि. ३0 : शहरातील नगरपालिका शाळा क्रमांक २ मागील गावातलावात बुडून अज्ञात इसमाचा मृत्यू झाल्याची घटना ३0 ऑगस्ट रोजी दुपारी ४ वाजताच्या दरम्यान उघडकीस आली. शहरातील गावतलावात दुपारी अज्ञात व्यक्तीने उडी मारल्याची चर्चा श्हरात पसरताच शहरवासीयांनी गावतलावाकडे धाव घेतली असून, या तलावासभोवताल बघ्यांची मोठी गर्दी झाली होती; मात्र या तलावात बुडून कुणाचा मृत्यू झाला, याबाबत माहिती उपलब्ध नाही. मृतदेह शोधण्याकरिता पिंजर येथील गाडगे महाराज आपातकालीन पथकास पाचारण केले असून, मृतदेह शोधल्यानंतर त्या व्यक्तीचे नाव समोर येणार आहे.