२़८० लाख बालकांना देणार जंतनाशक गोळ्या

भारतात १ ते १४ वर्षे वयोगटातील ६८ टक्के बालकांत आतड्याचा कृमी दोष आढळतो़ हा मातीतून प्रसारित जंतामुळे होतो. जगात २८ टक्के बालकांना असा कृमी दोष होण्याची शक्यता असते.

वर्धा : भारतात १ ते १४ वर्षे वयोगटातील ६८ टक्के बालकांत आतड्याचा कृमी दोष आढळतो़ हा मातीतून प्रसारित जंतामुळे होतो. जगात २८ टक्के बालकांना असा कृमी दोष होण्याची शक्यता असते. यामुळे राष्ट्रीय जंतनाशक दिन मोहिमेत जिल्ह्यात २ लाख ८० हजार बालकांना जंतनाशक गोळ्या देण्यात येणार आहे़
राष्ट्रीय जंतनाशक मोहिमेकरिता नागपूर विभागातून वर्धा जिल्ह्याची निवड करण्यात आली आहे़ यात वय वर्ष १ ते १९ च्या शासकीय, अनुदानीत शाळा, अंगणवाड्या व शाळाबाह्य मुलांना जंतनाशक गोळ्यांची मात्रा देण्यात येत आहे. जिल्ह्यात एकूण २ लाख ८० हजार ५४७ लाभार्थ्यांचा यात समावेश होईल़ जंतनाशक गोळी जेवण झाल्यानंतर घ्यायची असून काही दुष्परिणाम आढल्यास प्राथमिक आरोग्य केंद, ग्रामीण व उपजिल्हा रुग्णालयांत संपर्क साधावा़ आरोग्य विभागाच्या सहकार्याने जंतनाशक ‘अल्वेडाझोल’ गोळी देऊन आरोग्य, पोषणस्थिती व शिक्षणांचा दर्जा उंचावणे, हा उद्देश आहे. सुटलेल्या मुलांना १३ फेब्रुवारी रोजी गोळी दिली जाईल़ आरोग्य, शिक्षण व एकात्मिक बाल विकास सेवा योजना यांच्या संयुक्त विद्यमाने ही मोहीम राबविली जात आहे.(कार्यालय प्रतिनिधी)