दिलीप वळसे पाटीलFOLLOW

मुंबई: शिवसेना नेते एकनाथ शिंदे (Eknath Shinde) यांच्या ऐतिहासिक बंडखोरीनंतर पक्षाला मोठेच खिंडार पडल्याचे पाहायला मिळत आहे. पक्षप्रमुख उद्धव ठाकरे (Uddhav Thackeray) यांनी आता कंबर कसली असून, आदित्य ठाकरेही (Aaditya Thackeray) सक्रीय झाले आहेत. शिवसेना आणि शिंदे गटातील संघर्षही दिवसेंदिवस तीव्र होताना दिसत आहेत. यातच आता एकनाथ शिंदे यांना सुरक्षा पुरवली नसल्यावरून बंडखोर आमदारांनी उद्धव ठाकरे यांच्यावर गंभीर आरोप केलेत. यावर माजी गृहमंत्री दिलीप वळसे-पाटील (Dilip Walse Patil) यांनी मोठा खुलासा केला आहे. नक्षलवाद्यांकडून धमकी मिळाल्यानंतरही तत्कालीन राज्य सरकारने एकनाथ शिंदे यांना सुरक्षा पुरवायला नकार दिला होता, असा गंभीर आरोप शिवसेनेतील बंडखोर आमदार सुहास कांदे यांनी केला होता. गृहराज्यमंत्री शंभुराज देसाई यांनी एकनाथ शिंदे यांना सुरक्षा देण्याचे आदेश दिले होते. मात्र, उद्धव ठाकरे यांनी फोन करून तुम्ही असे आदेश देऊ शकत नाही. एकनाथ शिंदे यांना कोणतीही सुरक्षा देऊ नये, अशा सूचना उद्धव ठाकरे यांच्याकडून देण्यात आल्याचा मोठा दावा सुहास कांदे यांनी केला होता. यावर आता तत्कालीन गृहमंत्री दिलीप वळसे-पाटील यांनी प्रतिक्रिया दिली आहे. एकनाथ शिंदेंना पुरेशी सुरक्षा देण्यात आली होतीदिलीप वळसे-पाटील यांनी शिंदे गटाच्या आमदारांचे आरोप फेटाळू लावले आणि यामध्ये कोणतेही तथ्य नसल्याचे स्पष्ट केले. एकनाथ शिंदेंना पुरेशी सुरक्षा देण्यात आली होती. त्यांच्या मुलाने पत्र लिहून झेड प्लस सुरक्षा मागितली होती. पण एकनाथ शिंदेंकडून स्वतः कधीच सुरक्षेची मागणी करण्यात आली नव्हती. शिंदेंना आलेल्या धमकीच्या पत्रानंतर त्यांची सुरक्षा वाढवण्यात आली होती. तत्कालीन मुख्यमंत्र्यांकडून एकनाथ शिंदेंना सुरक्षा देऊ नका, अशा कोणत्याही सूचना नव्हत्या, असे दिलीप वळसे-पाटील यांनी म्हटले आहे.दरम्यान, खासदार श्रीकांत शिंदे यांच्या पत्राच्या पार्श्वभूमीवर एकनाथ शिंदे यांची अधिक काळजी घेण्याच्या संदर्भात सूचना ठाणे पोलिसांना, पोलीस विभागाला देण्यात आल्या होत्या. त्यामुळे ही चर्चा अनावश्यक चर्चा आहे. अशा प्रकारची पत्रे सार्वजनिक जीवनात येत असतात. पोलीस विभाग त्याचे विश्लेषण करुन त्याच्यावर काय कारवाई करायची हे ठरवत असतात, असेही दिलीप वळसे-पाटील यांनी सांगितले.

लाईव्ह न्यूज :

कोण होणार मुख्यमंत्री?

प. बंगालची 'कमळा'वर ममता

मोदींनी 'करून दाखवलं'

"नराधमाला फाशी द्या"

केरळ काँग्रेसच्या 'हाता'त

CM देवेंद्र फडणवीस

पुन्हा युद्धाची ठिणगी

IPL 2026

लोकमत ई-पेपर

शहरं

मनोरंजन

व्हिडीओ

दिलीप वळसे पाटीलFOLLOW

Read more

पुणे : Ram Nath Kovind | राष्ट्रपतींचे पुण्यात आगमन, राज्यपालांनी केले स्वागत

महाराष्ट्र : निष्कारण स्थानिक प्रश्न राज्यस्तराचा बनवू नका; दिलीप वळसे-पाटील यांचा काँग्रेसला सल्ला

पुणे : भोंग्यामुळे काकड आरत्याही बंद होणार; हे राज ठाकरेंना माहित नाही का? दिलीप वळसे पाटलांचा सवाल

महाराष्ट्र : मुंबईला महाराष्ट्रापासून वेगळं करण्याचा प्रयत्न, गृहमंत्री दिलीप वळसे पाटील यांचे मोठे वक्तव्य

नांदेड : मुख्यमंत्र्यांच्या सभेला कोणते नियम? गृहमंत्री दिलीप वळसे पाटील यांनी स्पष्टच सांगितले

नांदेड : औरंगजेबाच्या कबरीचे ओवेसींकडून दर्शन; चौकशीनंतर योग्य ती कारवाई करू: दिलीप वळसे पाटील

महाराष्ट्र : Raj Thackeray: ब्रेकिंग! मनसे अध्यक्ष राज ठाकरे यांची सुरक्षा वाढवली; ठाकरे सरकारचा मोठा निर्णय

नागपूर : गुन्हे दाखल झालेल्या मनसे नेत्यांनी शरण यावे