अफगाणिस्तान मराठी बातम्या | Afghanistan, Latest News & Live Updates in Marathi | Marathi News (ताज्या मराठी बातम्या) at Lokmat.com

साऊदम्प्टन, आयसीसी वर्ल्ड कप 2019, भारत वि. अफगाणिस्तान : हिटमॅन रोहित शर्मानं अफगाणिस्तानविरुद्ध नकोसा विक्रम नोंदवल्यानंतर कर्णधार विराट कोहलीनं दमदार खेळी केली. त्याने या सामन्यात अफगाणिस्तानच्या गोलंदाजांचा संयमाने सामना करताना अर्धशतक पूर्ण केले. यंदाच्या वर्ल्ड कप स्पर्धेतील त्याचे हे सलग तिसरे अर्धशतक ठरले. त्याने ऑस्ट्रेलिया ( 82) आणि पाकिस्तान ( 77) यांच्यानंतर अफगाणिस्तानविरुद्धही अर्धशतक झळकावले. कोहलीची ही खेळी विक्रमी ठरली. 27 वर्षांनंतर भारतीय कर्णधाराने प्रथमच सलग तीन सामन्यांत अर्धशतक करण्याचा पराक्रम केला. यापूर्वी 1992साली मोहम्मद अझरूद्दीनने सलग तीन अर्धशतकं झळकावली होती.रोहित शर्मा लवकर माघारी परतल्यानंतर विराटने दुसऱ्या विकेटसाठी लोकेश राहुलसह 57 आणि तिसऱ्या विकेटसाठी विजय शंकरसह 58 धावांची भागीदारी केली. दरम्यान त्याने वन डे क्रिकेटमधील 52वे अर्धशतकही पूर्ण केले. वर्ल्ड कप स्पर्धेतील हे त्याचे चौथे, तर अफगाणिस्तानविरुद्ध पहिलेच अर्धशतक ठरले. विराटची ही झुंज मोहम्मद नबीनं संपुष्टात आणली. विराटने 63 चेंडूंत 5 चौकारांसह 67 धावा केल्या.रोहित शर्मानं मिळवला नकोसा मान; अफगाणिस्तानच्या फिरकीची कमालवर्ल्ड कप स्पर्धेच्या तीन सामन्यांत दोन शतके आणि एक अर्धशतकी खेळी करणाऱ्या रोहित शर्माला अफगाणिस्तानविरुद्ध मोठी खेळी करण्यात अपयश आले. मुजीब उर रहमानच्या कॅरम बॉलवर रोहितचा त्रिफळा उडाला. डावाच्या पाचव्या षटकाच्या दुसऱ्या चेंडूवर रहमानने अप्रतिम चेंडू टाकून रोहितला अवघ्या एका धावेवर माघारी पाठवले. या विकेटसह रोहितने आपल्या नावावर नकोस विक्रम नोंदवला. यंदाच्या वर्ल्ड कप स्पर्धेत प्रतिस्पर्धी संघाच्या फिरकीपटूंना भारतीय फलंदाजांना बाद करता आलेले नाही, परंतु अफगाणिस्तानच्या रहमानने ती कामगिरी करून दाखवली. यंदाच्या वर्ल्ड कपमध्ये फिरकीपटूकडून बाद होणारा रोहित हा पहिला भारतीय ठरला आहे.रोहितने वर्ल्ड कप स्पर्धेत 3 डावांत एकूण 319 धावा चोपल्या आहेत. त्याने दक्षिण आफ्रिकेविरुद्ध नाबाद 122,तर पाकिस्तानविरुद्ध 140 धावांचा पाऊस पाडला. ऑस्ट्रेलियाविरुद्ध त्याने 57 धावा केल्या. अफगाणिस्तानविरुद्ध नाणेफेक जिंकून कर्णधार विराट कोहलीनं प्रथम फलंदाजीचा निर्णय घेतला. लोकेश राहुल व रोहित ही जोडी मोठी धावसंख्या उभारेल अशी अपेक्षा होती, परंतु पाचव्या षटकात रोहित त्रिफळाचीत झाला. यापूर्वीच्या तीन सामन्यांत भारतीय फलंदाजांविरुद्ध प्रतिस्पर्धी फिरकीपटूंनी 53 षटकं टाकली. त्यावर भारताने 6.39च्या सरासरीनं एकही विकेट न गमावता 339 धावा केल्या. फिरकी गोलंदाजीवर बाद होणारा रोहित हा पहिलाच भारतीय ठरला.

अफगाणिस्तानFOLLOW

Afghanistan, Latest Marathi News

India vs Afghanistan, ICC World Cup 2019: भारतीय संघाचे सलामीवर अपयशी ठरले की कोणतं संकट ओढावू शकते, याची प्रचिती कालच्या सामन्यात आली. ...

ICC World Cup 2019: वर्ल्ड कप स्पर्धेत शनिवारी दोन थरारक लढतींचा आस्वाद क्रिकेट रसिकांना लुटायला मिळाला. ...

अखेरच्या षटकापर्यंत हा सामना चांगलाच रंगला. ...

या विश्वचषकातीलही भारताची निच्चांकी धावसंख्या आहे. ...

महेंद्रसिंग धोनी आणि केदार जाधव यांनी विकेट टिकवली, परंतु त्यांच्या धावांच्या गतीचा वेग संथ होता. ...