-----------------------------
अंबिका पान दुकानावर कारवाई
उल्हासनगर : कॅम्प नं. - ३ नेहरू चौकातील अंबिका पानटपरीवर अन्न व औषध प्रशासन विभागाने मंगळवारी दुपारी साडेचार वाजता छापा टाकला असता, शासनाने विक्रीस बंदी असलेल्या पदार्थांची विक्री सुरू असल्याचे आढळून आले. मनोज संतानी याला अटक केली असून, याप्रकरणी उल्हासनगर पोलीस ठाण्यात गुन्हा दाखल केला आहे. शहरातील बहुतांश पानटपरीवर गुटखा विकला जात असून, अशा पानटपरीवर कारवाई करण्याची मागणी सर्वस्तरातून केली जात आहे.
---------------------------
जुगार अड्ड्यावर छापा
उल्हासनगर : कॅम्प नं.- २ खेमानी परिसरातील आहुजा चौक येथील मटका जुगार अड्ड्यावर पोलिसांनी छापा टाकून हितेश व संतोष यांना अटक केली. त्यांच्याकडून मटका जुगाराचे साहित्य व रोख रक्कम हस्तगत केली. याप्रकरणी उल्हासनगर पोलीस ठाण्यात गुन्हा दाखल केला आहे.
-----------------------