सोनसाखळी चोरणाऱ्या आकाश तारक साहू या सराईत चोरट्याला अटक केल्याची माहिती श्रीनगर पोलिसांनी रविवारी दिली. त्याच्याकडून सोनसाखळी चोरीचे दोन गुन्हे उघड झाले आहेत. सुमारे अडीच लाखांचे सोन्याचे दागिने हस्तगत करण्यात पोलिसांना यश आले आहे.
ठाण्यातील वागळे इस्टेट, श्रीनगर भागात ४ जुलै २०२५ रोजी सायंकाळी ६:०० वाजता अय्यप्पा मंदिराच्या पायऱ्यांवरून जात असलेल्या ५४ वर्षीय महिलेचे चोरट्याने जबरीने १० ग्रॅम वजनाचे सोन्याचे मंगळसूत्र हिसकावून नेले होते. याप्रकरणी श्रीनगर पोलीस ठाण्यात जबरी चोरीचा गुन्हा दाखल झाला होता. वरिष्ठ पोलिस निरीक्षक गुलजारीलाल फडतरे यांच्या मार्गदर्शनात सहायक पोलिस निरीक्षक शिवराज बेंद्रे यांचे पथक चोरीचा तपास करीत होते.
तपासावेळी मिळालेल्या माहितीच्या आधारे संशयित आरोपी आकाश या रेकॉर्डवरील गुन्हेगाराची माहिती पथकाला मिळाली. त्याआधारे केलेल्या चौकशीत त्याच्याकडून चोरीतील सोन्याचे मंगळसूत्र हस्तगत केले. त्याचाच श्रीनगर पोलिस ठाण्याच्या हद्दीतील अन्य एका वृद्धेच्या सोनसाखळी जबरी चोरीच्या गुन्ह्यात सहभाग असल्याचेही उघड झाले. त्यानंतर त्याला ८ ऑक्टोबर रोजी अटक केली. या दोन्ही गुन्ह्यांमधील २० ग्रॅम वजनाचे २ लाख ५० हजारांचे सोन्याचे दागिने त्याच्याकडून जप्त केले आहेत. ही कारवाई बेंद्रे यांच्यासह उपनिरीक्षक संजय यादव, हवालदार तानाजी खोत, अंमलदार रंजीत माने आणि मनोहर गावित आदींच्या पथकाने केली.
Web Summary : Thane police arrested a serial chain snatcher, Akash Sahu, recovering stolen gold jewelry worth ₹2.5 lakhs. He confessed to two chain-snatching incidents, targeting elderly women near Ayyappa Temple. Police investigation led to the arrest and recovery of valuables.
Web Summary : ठाणे पुलिस ने आकाश साहू नामक एक शातिर चेन स्नैचर को गिरफ्तार किया और 2.5 लाख रुपये के चोरी के सोने के गहने बरामद किए। उसने अय्यप्पा मंदिर के पास बुजुर्ग महिलाओं को निशाना बनाते हुए दो चेन स्नैचिंग की घटनाओं को कबूल किया। पुलिस जांच से गिरफ्तारी और कीमती सामानों की बरामदगी हुई।