Video : अंबरनाथच्या आनंदनगर एमआयडीसीत रासायनिक गॅसगळती १८ ते २० जणांची प्रकृती खालावली
By ऑनलाइन लोकमत | Published: October 12, 2021 01:28 PM2021-10-12T13:28:12+5:302021-10-12T13:29:29+5:30
A gas leak at Ambernath Chemical Company : या कंपनीत विविध रसायनांवर प्रक्रिया करण्याचे काम केले जाते. त्या प्रक्रियेदरम्यानच ही गॅसगळती झाल्याचा अंदाज वर्तवण्यात येत आहे.
Video : अंबरनाथच्या आनंदनगर एमआयडीसीत रासायनिक गॅसगळती १८ ते २० जणांची प्रकृती खालावली
Next अंबरनाथ : अंबरनाथच्या आनंदनगर एमआयडीसीतील आर. के. केमिकल्स या कंपनीत आज सकाळच्या सुमारास अचानक गॅसगळती झाली. या गळतीमुळे शेजारील प्रेसफिट नावाच्या कंपनीतील १८ ते २० कामगारांना मोठा त्रास झाला. त्यामुळे त्यांना तातडीने उल्हासनगरच्या शासकीय मध्यवर्ती रुग्णालयात दाखल करण्यात आलं.
अंबरनाथच्या आनंदनगर एमआयडीसीत आर. के. केमिकल्स नावाची कंपनी असून त्यामध्ये सल्फ्युरिक ॲसिडवर डिस्टिलेशनची प्रक्रिया केली जाते. कंपनीत आज सकाळी नेहमीप्रमाणे डिस्टिलेशनची प्रक्रिया सुरू असताना १० वाजताच्या सुमारास अचानक प्लँटमधला एक पाईप निसटला आणि त्यातून हवेत गॅस पसरला. हा गॅस थेट बाजूलाच असलेल्या प्रेस फिट नावाच्या कंपनीत घुसला. त्यामुळे तिथे काम करत असलेल्या १८ ते २० कामगारांना उलट्या, मळमळ, गुदमरणे असा त्रास सुरू झाला. त्यामुळे त्यांना तातडीने उल्हासनगरच्या शासकीय मध्यवर्ती रुग्णालयात दाखल करण्यात आलं. या कर्मचाऱ्यांनी केमिकलचा आम्हाला मोठा त्रास झाल्याचं सांगितलं.
अंबरनाथच्या आनंदनगर एमआयडीसीत वायुगळती गळती झाल्याची माहिती पुढे येत आहे या कंपनीत काम करणाऱ्या बारा जणांना गॅस गर्दीचा फटका बसला असून त्यांना उपचारासाठी उल्हासनगरच्या मध्यवर्ती रुग्णालयात दाखल करण्यात आले आहे. pic.twitter.com/6G0dFfJaWV
— Lokmat (@MiLOKMAT) October 12, 2021
या घटनेची माहिती मिळताच एमआयडीसी अग्निशमन दल, शिवाजीनगर पोलीस आणि एमआयडीसीच्या अधिकाऱ्यांनी घटनास्थळी धाव घेतली. यावेळी कंपनीच्याच निष्काळजीपणामुळे ही घटना घडल्याची कबुली कंपन्यांची संघटना असलेल्या ऍडीशनल अंबरनाथ मॅन्युफॅक्चरर्स असोसिएशन म्हणजेच 'आमा' संघटनेचे अध्यक्ष उमेश तायडे यांनी दिली. तर या कंपनीवर योग्य ती कायदेशीर कारवाई करणार असल्याची माहिती शिवाजीनगर पोलीस ठाण्याचे वरिष्ठ पोलीस निरीक्षक मधुकर भोगे यांनी दिली.
अंबरनाथच्या आनंदनगर एमआयडीसीत वायुगळती गळती झाल्याची माहिती pic.twitter.com/tUC9gSLzBr
— Lokmat (@MiLOKMAT) October 12, 2021
