सीबीएसईचा विद्यार्थ्यांना दिलासा; पुनर्मूल्यांकन शुल्कात मोठी कपात

गुण वाढल्यास पैसेही परत; शिक्षण मंत्रालयाचा निर्णय

लोकमत न्यूज नेटवर्क
नवी दिल्ली : सीबीएसई विद्यार्थ्यांसाठी पुनर्मूल्यांकन प्रक्रिया अधिक सुलभ व परवडणारी करण्याच्या उद्देशाने मोठा निर्णय घेण्यात आला आहे. उत्तरपत्रिकेची प्रत, पडताळणी व विशिष्ट प्रश्नांच्या पुनर्तपासणीसाठी आकारले जाणारे शुल्क यंदा मोठ्या प्रमाणात कमी करण्यात आले असून, पुनर्मूल्यांकनानंतर विद्यार्थ्यांचे गुण वाढल्यास भरलेली रक्कमही परत केली जाणार आहे.

नवीन शुल्क रचना 
                               आधी     आता
उत्तरपत्रिकेची प्रत     ७००     १००
पडताळणी     ५००     १००
प्रश्न पुनर्तपासणी     प्रति प्रश्न २५ रु.

अधिक विद्यार्थी होऊ शकतील सहभागी : या निर्णयामुळे लाखो विद्यार्थ्यांना आर्थिक दिलासा मिळेल व पुनर्मूल्यांकन प्रक्रियेत अधिक विद्यार्थी सहभागी होण्याची शक्यता व्यक्त हाेत आहे. शिक्षण व्यवस्थेतील पारदर्शकतेच्या दृष्टीने या निर्णयाकडे महत्त्वाचे पाऊल म्हणून पाहिले जात आहे.