रेडमी-रियलमीला मिळणार विवोकडून आव्हान; 4 मेला भारतात लाँच होणार दोन नवे मोबाईल
By सिद्धेश जाधव | Published: April 28, 2022 09:33 AM2022-04-28T09:33:14+5:302022-04-28T09:33:25+5:30
Vivo T1 Pro 5G आणि Vivo T1 44W हे दोन डिवाइस भारतात येत्या 4 मेला लाँच केले जातील, अशी माहिती विवो इंडियानं दिली आहे.
रेडमी-रियलमीला मिळणार विवोकडून आव्हान; 4 मेला भारतात लाँच होणार दोन नवे मोबाईल
Next Vivo नं यंदा आपली नवीन ‘टी’ सीरिज बाजारात आणली आहे. जागतिक बाजारात कंपनीनं या सीरिजचा विस्तार सुरु ठेवला आहे. आता भारतात देखील Vivo T1 5G नंतर कंपनी दोन नवीन स्मार्टफोन सादर करणार आहे. Vivo T1 Pro 5G आणि Vivo T1 44W हे दोन डिवाइस भारतात येत्या 4 मेला लाँच केले जातील, अशी माहिती विवो इंडियानं दिली आहे.
येत्या 4 मेला भारतात Vivo T1 Pro 5G आणि Vivo T1 44W हे दोन डिवाइस सादर केले जातील, अशी माहिती विवोनं सोशल मीडियाच्या माध्यमातून दिली आहे. हा लाँच इव्हेंट दुपारी 12 वाजता सुरु करण्यात येईल आणि याचं थेट प्रक्षेपण कंपनीच्या सोशल मीडिया अकाऊंट्सवरून करण्यात येईल. फ्लिपकार्टवर विवो टी1 प्रो 5जी फोन आणि विवो टी1 44वॉटचे प्रोडक्ट पेज बनवण्यात आले आहेत, त्यामुळे हे फोन फ्लिपकार्टवरून विकले जातील हे स्पष्ट झालं आहे.
संभाव्य स्पेसिफिकेशन्स
नावाप्रमाणे Vivo T1 44W स्मार्टफोन भारतात आलेल्या Vivo T1 चा 44W फास्ट चार्जिंग असलेला व्हेरिएंट असू शकतो. तर जागतिक मलेशियात आलेला विवो टी1 5जी स्मार्टफोन भारतात Vivo T1 Pro 5G नावानं लाँच केला जाऊ शकतो. या फोनमध्ये क्वॉलकॉम स्नॅपड्रॅगन 778जी चिपसेट, 8 जीबी रॅम आणि 128 जीबी इंटरनल स्टोरेजदेण्यात आली आहे. तिथे हा डिवाइस 22,000 रुपयांच्या आसपास उपलब्ध झाला आहे.
Vivo T1 5G चे स्पेसिफिकेशन्स
Vivo T1 5G मध्ये 6.58-इंचाची फुल एचडी+ एलसीडी स्क्रीन देण्यात येईल. हा डिस्प्ले 120Hz रिफ्रेश रेट आणि 240Hz टच सॅम्पलिंग रेटला सपोर्ट करतो. या फोनला क्वॉलकॉमच्या Snapdragon 695 चिपसेटची प्रोसेसिंग पावर देण्यात आली आहे. सोबत 8GB पर्यंत रॅम आणि 128GB स्टोरेज देण्यात आली आहे. हा फोन अँड्रॉइड 12 आधारित फनटच ओएसवर चालतो.
फोटोग्राफीसाठी Vivo T1 मध्ये ट्रिपल रियर कॅमेरा सेटअप देण्यात आला आहे. ज्यात एलईडी फ्लॅशसह 64 मेगापिक्सलचा प्रायमरी सेन्सर, 8 मेगापिक्सलची वाईड अँगल लेन्स आणि 2 मेगापिक्सलच्या मॅक्रो लेन्सचा समावेश आहे. सिक्योरिटीसाठी साईड पॅनलवर फिंगरप्रिंट सेन्सर देण्यात आला आहे. Vivo T1 मध्ये 5,000एमएएचची बॅटरी देण्यात आली आहे.