छोटुसा टॅबलेट! 8.7-इंचाच्या स्क्रीनसह Realme Pad Mini, फक्त 'इतकी' आहे किंमत
By सिद्धेश जाधव | Published: April 4, 2022 07:21 PM2022-04-04T19:21:29+5:302022-04-04T19:21:49+5:30
Realme Pad Mini टॅबलेट 8MP कॅमेरा, 8.7 इंचाचा डिस्प्ले, आणि 6400mAh बॅटरीसह लाँच झाला आहे.
छोटुसा टॅबलेट! 8.7-इंचाच्या स्क्रीनसह Realme Pad Mini, फक्त 'इतकी' आहे किंमत
Next Realme Pad Mini टॅबलेट फिलिपिन्समध्ये सादर करण्यात आला आहे. हा बजेट फ्रेंडली टॅबलेट 6400mAh बॅटरी, 18W फास्ट चार्जिंग, Unisoc T616 प्रोसेसर, 4GB RAM आणि 64GB स्टोरेजसह बाजारात आला आहे. या फीचर्सना साजेशी किंमत देखील कंपनीनं ठेवली आहे. हा डिवाइस भारतात कधी येईल याची माहिती मात्र मिळाली नाही.
Realme Pad Mini चे स्पेसिफिकेशन्स
Realme Pad Mini मध्ये 8.7-इंचाचा LCD डिस्प्ले देण्यात आला आहे, जो 1340 x 800 पिक्सल रेजलूशनला सपोर्ट करतो. प्रोसेसिंगसाठी कंपनीनं Unisoc T616 प्रोसेसरचा वापर केला आहे. सोबत 4GB पर्यंत RAM आणि 64GB पर्यंतची स्टोरेज मिळते. हा डिवाइस अँड्रॉइड 11 ऑपरेटिंग सिस्टमवर चालतो.
फोटोग्राफीसाठी या छोट्या टॅबमध्ये दोनच कॅमेरे मिळतात. त्यातील 8MP चा सेन्सर कंपनी टॅबच्या मागच्या बाजूस दिला आहे. तर फ्रंटला सेल्फी आणि व्हिडीओ कॉलिंगसाठी 5MP चा सेन्सर मिळतो. या टॅबलेटमध्ये 6400mAh मोठी बॅटरी मिळते, जी 18W फास्ट चार्जिंग स्पिडनं चार्ज करता येते. याचे वजन 372 ग्राम आहे. Realme Pad पाठोपाठ Realme Pad Mini चे देखील भारतात आगमन होऊ शकते.
Realme Pad Mini ची किंमत
Realme Pad Mini (LTE) व्हर्जन 3GB RAM आणि 32GB स्टोरेजसह फिलिपिन्समध्ये P 9,900 मध्ये सादर करण्यात आला आहे, जे 14,500 भारतीय रुपयांमध्ये रूपांतरित होतात. या टॅबच्या टॉप एन्ड व्हेरिएंट 4GB RAM आणि 64GB स्टोरेजसह सादर करण्यात आला आहे. ज्याची किंमत P 11,990 आहे, जे 17,600 भारतीय रुपयांमध्ये रूपांतरित होतात.