Realme TechLife ब्रँड Dizo ने आपले नवीन स्मार्टवॉच लाँच केले आहेत. ब्रँडने DIZO Watch 2 आणि DIZO Watch Pro असे दोन स्मार्ट वॉच कमी किंमतीत भारतात सादर केले आहेत. हे दोन्ही वॉच ईकॉमर्स साईट Flipkart च्या माध्यमातून खरेदीसाठी उपलब्ध होतील. हार्ट रेट मॉनिटर आणि SpO2 मॉनिटर असे महत्वपूर्ण स्पेसिफिकेशन्स देण्यात आले आहेत.
DIZO Watch 2 आणि DIZO Watch Pro चे स्पेसिफिकेशन्स
DIZO Watch 2 मध्ये 1.69-इंचाचा आणि DIZO Watch Pro मध्ये 1.75-इंचाचा चौरसाकृती डिस्प्ले देण्यात आला आहे. या सेगमेंटमध्ये हा डिस्प्ले सर्वात मोठा आहे. दोन्ही स्मार्ट वॉच 100 पेक्षा जास्त वॉच फेससह सादर करण्यात आले आहेत. स्मरतवच कंट्रोल करण्यासाठी टचसह एका फिजिकल बटणाचा वापर करता येतो. हे वॉच 5 मीटरपर्यंत वॉटर रेजिस्टन्स आणि IP68 सर्टिफिकेशनसह बाजारात येतात.
यात हार्ट रेट मॉनिटर देण्यात आला आहे जो हृदयाचे ठोके मॉनिटर करतो. तर SpO2 मॉनिटर शरीरातील प्राणवायूचे प्रमाण सांगतो. त्याचबरोबर यात स्लीप ट्रॅकर, सिडेन्ट्री आणि हायड्रेशन रिमांडरची सुविधा देखील देण्यात आली आहे. DIZO Watch 2 स्मार्टवॉच 15 स्पोर्ट्स मोड्स ओळखू शकतो, तर प्रो व्हेरिएंटमध्ये 90 पेक्षा जास्त मोड्स उपलब्ध आहेत. प्रो व्हेरिएंटमधील बिल्ट-इन ड्युअल सॅटेलाईट GPS तुमच्या स्मार्टफोनच्या मदतीविना तुमची आउटडोर अॅक्टिव्हिटी ट्रॅक करू शकते.
दोन्ही स्मार्टवॉचद्वारे म्युजिक कंट्रोल, हवामानाची माहिती, नोटिफिकेशन, रिमोट कंट्रोल कॅमेरा असे अनेक फीचर्स मिळतात. DIZO Watch 2 मध्ये 260mAh ची बॅटरी देण्यात आली आहे, तर प्रो व्हेरिएंट 390mAh च्या बॅटरीसह येतो. कनेक्टिव्हिटीसाठी दोन्ही वॉच ब्लूटूथ 5.0 चा वापर करतात.
DIZO Watch 2 सीरीजची किंमत
रियलमी DIZO Watch 2 ची किंमत 2,999 रुपये आहे, इंट्रोडक्टरी ऑफर अंतर्गत हा स्मार्टवॉच 1999 रुपयांमध्ये विकत घेता येईल. DIZO Watch 2 Pro ची किंमत 4,999 रुपये ठेवण्यात आली आहे आणि हा तुम्ही मर्यादित कालावधीत 4,499 रुपयांच्या खास किंमतीत विकत घेऊ शकता. या स्मार्टवॉचची विक्री 22 सप्टेंबरपासून फ्लिकार्टवर सुरु होईल.