दुचाकीच्या धडकेत सायकलस्वार जखमी
सोलापूर : सायकलवरून सोनामाता शाळेजवळ जात असताना पाठीमागून येणाऱ्या अज्ञात दुचाकीने धडक दिल्याने सायकलस्वार जखमी झाला. नरसिंग तिमप्पा म्हेत्रे (वय ६२, रा. मधुकर वस्ती, रामवाडी) असे जखमी सायकलस्वाराचे नाव आहे. घटनेची नोंद सिव्हिल चौकीत झाली आहे.
शेतीच्या वादातून दोघांना मारहाण
सोलापूर : शेतीच्या वादातून सात जणांनी मिळून दोघांना मारहाण केल्यामुळे दोघे जखमी झाले आहेत. कविता हरिदास पवार (वय ३८, रा. कर्देहळ्ळी, दक्षिण सोलापूर), हरिदास तुकाराम पवार (वय ४८, रा. कर्देहळ्ळी ) अशी जखमी झालेल्या दोघांची नावे आहेत. त्यांना उपचारासाठी शासकीय रुग्णालयात दाखल करण्यात आले आहे़ घटनेची नोंद सिव्हिल चौकीत झाली आहे.
दुचाकी घसरून पडल्याने महिला जखमी
सोलापूर : विटकर वसाहत येथून दुचाकीवरून जात असताना दुचाकी घसरून पडल्याने महिला जखमी झाली आहे. राधा चिप्पा (वय ३९, रा. गांधी नगर, अक्कलकोट रोड) असे जखमी झालेल्या महिलेचे नाव आहे. त्यांना उपचारासाठी शासकीय रुग्णालयात दाखल करण्यात आले आहे. घटनेची नोंद सिव्हिल चौकीत झाली आहे.
मालवाहतुकीच्या धडकेत तरुण जखमी
सोलापूर : मोटरसायकलवरून मौलाना चौक येथून जात असताना कुंभार गल्ली येथे मालवाहतूक गाडीने धडक दिल्याने गजानन वाघमारे (वय ३०) हा तरुण जखमी झाला. त्याला उपचारासाठी शासकीय रुग्णालयात दाखल करण्यात आले आहे. घटनेची नोंद सिव्हिल चौकीत झाली आहे.
गळफास घेऊन तरुणाची आत्महत्या
सोलापूर : अज्ञात कारणातून गळफास घेऊन तरुणाने आत्महत्या केली. अमीन हुसेन मुजावर (वय ३२, रा. संगमेश्वर नगर) असे आत्महत्या केलेल्या तरुणाचे नाव आहे. गुरुवारी रात्री १० वाजण्याच्या सुमारास ही घटना घडली. याबाबत अधिक माहिती अशी की, गुरुवारी रात्रीच्या सुमारास अमीन याने घराच्या छताच्या वाश्याला साडीच्या सहाय्याने गळफास घेतला. ही घटना कुटुंबीयांना कळताच त्याला खाली उतरवून उपचारासाठी शासकीय रुग्णालयात दाखल केले असता डॉक्टरांनी त्याला मयत घोषित केले. घटनेची नोंद सिव्हिल चौकीत झाली आहे.