सोलापूर : नवले स्पीच व हिअरिंग क्लिनिकतर्फे जागतिक अपंग दिनानिमित्त बहिरेपणावरील उपचार व निदान शिबिराचे आयोजन करण्यात आले आहे. गुरुवारी शिबिराच्या पहिल्या दिवशी या उपक्रमास सोलापूरकरांचा उत्स्फूर्त प्रतिसाद मिळाला.
दत्त चौकातील समर्थ रामदास संकुलातील पहिल्या मजल्यावर असलेल्या सिग्निया क्लिनिकमध्ये हे शिबिर घेण्यात येत आहे. गुरुवारी सकाळी १० वाजता या शिबिराचे उद्घाटन झाले. ऑडिओलॉजिस्ट रविशंकर नवले यांनी रुग्णांची तपासणी केली. शनिवार, पाच डिसेंबरपर्यंत हे शिबिर चालणार असून, दररोज सकाळी १० ते सायंकाळी सात यादरम्यन रुग्णांवर उपचार करण्यात येत आहेत. नवीन श्रवणयंत्र खरेदीवर तसेच जुन्या श्रवणयंत्रांच्या एक्स्चेंज व अपग्रेडवर आकर्षक सवलती व ऑफर्स देण्यात येणार आहेत. लहान मुले, महिला व ज्येष्ठ नागरिकांसाठी विशेष सवलती आहेत. सुलभ हप्त्याने श्रवणयंत्र मिळण्याची सोय, ० टक्के प्रोसेसिंग फी, ० टक्के व्याजदर, अर्थसहाय्य उपलब्ध. चेक, कार्ड व डिजिटल पेमेंटची सोय असणार आहे. (वा.प्र.)
---------------