अमरेली - गुजरातच्या अमरेली जिल्ह्यातील राजुला इथं बदल्याच्या भावनेतून सूड उगवल्याची धक्कादायक घटना घडली आहे. याठिकाणी १ वर्ष जुन्या प्रेम कहाणीचा दुर्दैवी अंत झाला आहे. बहिणीला पळवून नेल्याच्या रागातून ३ भावांनी मिळून युवकाला निर्दयीपणे मारहाण केली. ज्यात युवकाचा मृत्यू झाला आहे. या घटनेतील तिन्ही आरोपींना पोलिसांनी अटक केली असून सध्या पोलीस तपास सुरू आहे.
माहितीनुसार, मृत युवक दिनेशचे १ वर्षापूर्वी सोनम नावाच्या मुलीसोबत प्रेम संबंध होते. दिनेशने युवतीला त्याच्यासोबत मोरबीला घेऊन गेला होता. त्यामुळे दोघांच्या नात्यात वाद झाला. २ महिन्यांनी युवती तिच्या घरी परतली होती. तेव्हापासून युवतीच्या घरच्यांच्या मनात बदल्याची आग भडकत होती. युवतीच्या कुटुंबातील सदस्य दिनेशला जीवे मारण्याची धमकी देत होते. १८ एप्रिलला जेव्हा दिनेश त्याच्या मित्रांसोबत शेतावर गेला होता. तेव्हा रात्रीच्या सुमारास युवतीचे तिन्ही भाऊ बाइकवरून तिथे पोहचले. या भावांनी दिनेशला शिवीगाळ करत त्याला बेदम मारले.
या तिघांनी मिळून दिनेशला बेल्ट आणि रस्सीने निर्दयीपणे मारहाण केली. २ तास झालेल्या मारहाणीत दिनेश गंभीर जखमी झाला होता. त्याच्या शरीरावर अनेक ठिकाणी जखमा झाल्या होत्या. त्यानंतर आरोपींनी त्याला त्याच अवस्थेत तिथे सोडून घटनास्थळावरून फरार झाले. काही लोकांनी दिनेशला तातडीने हॉस्पिटलला नेले परंतु गंभीर जखमांमुळे उपचारावेळी त्याचा मृत्यू झाला. या घटनेने परिसरात खळबळ माजली आहे.
दरम्यान, या प्रकरणाचे गांभीर्य ओळखून पोलिसांनी तात्काळ तपास सुरू केला. या घटनेतील तिन्ही आरोपींना पोलिसांनी अटक केली. सध्या पोलीस या घटनेचा पुढील तपास करत आहेत. या घटनेत आणखी किती लोक सहभागी होते याचा पोलीस शोध घेत आहेत.
Web Summary : In Amreli, Gujarat, a man was brutally murdered by his girlfriend's brothers over an elopement. The victim, Dinesh, was beaten for two hours and succumbed to injuries. Police have arrested the three brothers and are investigating the case.
Web Summary : गुजरात के अमरेली में एक प्रेम प्रसंग का दुखद अंत हुआ। भाइयों ने भागकर शादी करने पर दिनेश की बेरहमी से हत्या कर दी। दो घंटे तक पीटने से दिनेश की मौत हो गई। पुलिस ने तीनों आरोपियों को गिरफ्तार कर लिया है।