सोलापूर जिल्हा परिषदेने पंतप्रधान नरेंद्र मोदी यांच्या आवाहनाला प्रतिसाद देण्याचा निर्णय घेतला असून जिल्हा परिषद इंधन बचत करणार आहे. सर्व पदाधिकारी व अधिकारी, कर्मचारी हे दर सोमवारी सायकल प्रवास करणार आहे. दरम्यान, जिल्हा परिषदेचे अध्यक्ष दीपक वैद्य हे एसटीने येणार असल्याचे सांगण्यात आले.
पंतप्रधान नरेंद्र मोदी यांनी आवाहन केल्याप्रमाणे सोलापूर जिल्हा परिषदेमधील सर्व पदाधिकारी, अधिकारी व कर्मचारी यांना युध्दजन्य परिस्थिती उदभवल्याने पेट्रोल, डिझेल व तेल यांचा वापर काटकसरीने, गरजेइतका करण्याच्या दृष्टीने तसेच जागतिक तापमान वाढ आणि वाढत्या वायू प्रदूषणावर नियंत्रण मिळवण्यासाठी जिल्हा परिषद सोलापूरच्या वतीने विविध उपाय योजना राबविण्यात येत आहेत.
पर्यावरणाचे रक्षण करणे आणि शाश्वत जीवनशैलीचा अवलंब करणे ही आपल्या सर्वांची सामूहिक जबाबदारी असल्याचे सांगत सोलापूर जिल्हा परिषद मधील सर्व पदाधिकारी/अधिकारी व कर्मचारी यांच्यासाठी दर सोमवार हा दिवस नो व्हेईकल डे म्हणून घोषित करण्यात आला आहे. या संदर्भात प्रत्येक सोमवारी नो व्हेईकल डे दिवशी सर्व पदाधिकारी/ अधिकारी कर्मचारी यांनी आपली खाजगी दुचाकी किंवा चार चाकी वाहने कार्यालयात आणू नयेत. खाजगी तसेच शासकीय वाहनांचा वापर टाळण्यात यावा, पर्यायी प्रवासाचा वापर कार्यालयात येण्यासाठी सार्वजनिक वाहतूक व्यवस्था, बस, सायकल, इलेक्ट्रीक वाहन किंवा पायी येण्यास प्राधान्य द्यावे असे आवाहन जिल्हा परिषद अध्यक्ष दीपक वैद्य व उपाध्यक्ष इंद्रजित पवार यांनी लोकमतशी बोलताना केले आहे.
Web Summary : Responding to PM Modi's call, Solapur Zilla Parishad adopts fuel-saving measures. Officials will cycle every Monday. 'No Vehicle Day' promotes public transport, cycling, or walking to reduce pollution and conserve resources, announced Zilla Parishad heads.
Web Summary : पीएम मोदी के आह्वान पर सोलापुर जिला परिषद ने ईंधन बचाने का निर्णय लिया। अधिकारी हर सोमवार को साइकिल चलाएंगे। 'नो व्हीकल डे' प्रदूषण कम करने और संसाधनों के संरक्षण के लिए सार्वजनिक परिवहन, साइकिल चलाने या पैदल चलने को बढ़ावा देता है, जिला परिषद प्रमुखों ने घोषणा की।