मंद्रुप : सोलापूर-विजापूर राष्ट्रीय महामार्गावरील नांदणीजवळ अज्ञात वाहनाने ठोकरल्याने मोटरसायकलवरून जात असलेले मुख्याध्यापक जागीच ठार झाले़ ही घटना शुक्रवारी रात्री ९़३० वाजता घडली़ श्रीमंत गुरप्पा बिराजदार (वय ५२) असे त्यांचे नाव आहे़ श्रीमंत बिराजदार सोलापुरातील नातेवाईकांना भेटून भैरुणगी या आपल्या गावाकडे मोटरसायकल (एम़ एच़ १३ एपी १३०१) वरून जात होते़ नांदणीजवळ अज्ञात वाहनाने त्यांच्या मोटरसायकलला पाठीमागून ठोकरल्याने ते खाली पडून जागीच गत्प्राण झाले़ या घटनेची माहिती कळताच मंद्रुप पोलिसांनी घटनास्थळी धाव घेतली़ श्रीमंत बिरादार हे के़ जी़ एस़ कन्नड मुलींची शाळा, हलसंगी येथे मुख्याध्यापक म्हणून कार्यरत होते़ त्यांच्या पश्चात पत्नी, तीन मुले, सून असा परिवार आहे़ या घटनेची नोंद मंद्रुप पोलीस ठाण्यात झाली असून अधिक तपास पोहेकॉ एस़ एस़ हिरगुडे करीत आहेत़