सोलापुरात ‘नमो’ चा आनंदोत्सव !

मोदी सरकार : भाजपची दिवाळी, मिठाई वाटप, फटाके फोडले, एलईडी वॉलवर शपथविधीचा सोहळा

सोलापूर : राष्टÑपती भवनाच्या प्रांगणात सार्क देश प्रमुखांच्या उपस्थितीत पंतप्रधान नरेंद्र मोदी आणि त्यांचे मंत्रिमंडळातील सहकारी पद व गोपनीयतेची शपथ घेत असताना सोलापुरातील चौका - चौकात ‘नमो नमो’चा जयघोष करून जोरदार आतषबाजी करण्यात आली. मिठाई वाटून आनंद व्यक्त करण्यात आला. टिळक चौक येथे भारतीय जनता पक्षाच्या कार्यकर्त्यांनी मोठा स्क्रिन लावून मोदी यांचा शपथविधी पाहिला. मोदी यांचे राष्टÑपती भवनाच्या प्रांगणात आगमन झाले तेव्हा कार्यकर्त्यांनी टिळक चौकात फटाक्यांची माळ उडविली. शपथविधी झाल्यानंतर जोरदार आतषबाजी करण्यात आली. यावेळी आमदार विजयकुमार देशमुख, भाजपचे नेते श्रीशैल बनशेट्टी, देविदास चेळेकर, नगरसेविका शोभा बनशेट्टी यांच्यासह शेकडो कार्यकर्ते उपस्थित होते. शपथविधी होताच मोदी सरकारची कारकीर्द यशस्वी ठरावी म्हणून हैदराबाद रोडवर विडी घरकूलमधील बी ग्रुपमध्ये गणेश मंदिरात भाजपा आमदार विजयकुमार देशमुख यांच्या हस्ते महाआरती करण्यात आली़ यावेळी नगरसेवक पांडुरंग दिड्डी, संघटन सरचिटणीस विक्रम देशमुख, श्रीनिवास दायमा, दत्तू पोसा, चंद्रकांत बल्ला आणि भाजपचे प्रमुख कार्यकर्ते विजय इप्पाकायल यांची प्रमुख उपस्थिती होती़ यावेळी भाजप कार्यकर्त्यांनी या भागात लाडू वाटप करुन आनंदोत्सव केला़ याप्रसंगी भास्कर बल्ला, संतोष इप्पाकायल, पोशेट्टी मडूर, राजू पानगंटी, राजू वंगारी, प्रभाकर सीता, राजेंद्र कन्ना, श्रीनिवास पुरुड, स्वामीदास सिद्धूल, सतीश भरमशेट्टी, व्यंकटेश सारंगी, शिवा कोनाळे, इरेश पेद्दी, दीपक पोसा, अक्षय ताटी, गोपाळ दंडगल, अजय गड्डम, श्रीनिवास अवधूत, महादेव हबीब, शिवा मरगळ, रमेश रंगम, लक्ष्मण बलपुरे, तिरुपती दासरी, प्रसाद धारा, पवन इप्पाकायल आणि विडी घरकूलमधील नागरिक उपस्थित होते़ याशिवाय शहरात ठिकठिकाणी भाजप-सेनेच्या कार्यक़र्त्यांनी जल्लोष करुन आनंद व्यक्त केला.

----------------------------------

रुपाभवानीला अभिषेक भारतात राष्टÑीय लोकशाही आघाडी सरकार स्थापन झाल्यामुळे शिवसेनाप्रमुख बाळासाहेब ठाकरे यांची स्वप्नपूर्ती झाल्याचा आनंद व्यक्त करण्यासाठी रूपाभवानी मातेला अभिषेक करण्यात आला. शिवसेना संपर्कप्रमुख विश्वनाथ नेरूरकर यांनी हा अभिषेक केला. यावेळी सुनील कामाटी, लक्ष्मीकांत ठोंगे- पाटील, भाऊसाहेब आंधळकर यांच्यासह शिवसैनिक मोठ्या संख्येने उपस्थित होते.

---------------------------

नमो टी...

मोदी यांनी पंतप्रधानपदाची शपथ घेतल्यानंतर भाजपप्रेमी नागरिक आणि कार्यकर्त्यांनी तरटी नाका येथे ‘नमो टी’ स्टॉल सुरू करून मोफत चहा दिला. एसटी स्टॅन्ड ते बाळीवेस या मार्गावरून मार्गस्थ असलेल्या सोलापूरकरांनी या टी स्टॉलला आवर्जून भेट देऊन चहाचा आस्वाद घेतला आणि मोदी सरकारला शुभेच्छा दिल्या.