कोविन अॅपवर यादी संकलित करण्यात आली आहे. आरोग्य सेवेशी संबंधित १०० जणांना लस देण्यात येणार आहे. लस देण्यात येणाऱ्या लाभार्थ्यांला रजिस्टर मोबाईल नंबरवर एक दिवस अगोदर वेळ व ठिकाणची माहिती देणारा संदेश येणार आहे. यासाठी संबधितांनी नोंदणी करताना जे ओळखपत्र जोडले आहे ते घेवून यावे. लाभार्थी लसीकरण कक्षात आल्यानंतर त्यांची माहिती घेतल्यानंतरच त्यांना लसीकरण केले जाणार आहे. कोविड लस ही २ ते ८ डिग्री सेल्सिअस तापमानात ठेवावी लागते. यामुळे लस ठेवण्यासाठी रेफ्रीजेटरची व्यवस्था उपजिल्हा रुग्णालय पंढरपूर येथे करण्यात आली आहे.
आरोग्य विभागाने लसीकरणाच्या ठिकाणी लसीकरण कक्ष, निरिक्षण कक्ष तसेच रुग्णवाहिका सेवा सुसज्ज ठेवण्याबाबत दक्षता घ्यावी. तसेच आवश्यक आरोग्य सुविधा उपलब्ध ठेवाव्यात, अशा सूचनाही सचिन ढोले यांनी दिल्या.
भीती, गैरसमज बाळगू नये
लसीकरण केल्यानंतर संबधितांना तज्ज्ञ डॉक्टरांच्या निरिक्षणाखाली अर्धा तास निरिक्षण कक्षात ठेवण्यात येणार आहे. लाभार्थी लसीकरण करुन घरी आल्यानंतरही त्यांना काही त्रास झाल्यास उपचार देण्यासाठी आरोग्य विभागाच्यावतीने समिती स्थापन करण्यात आली आहे. यामध्ये शासकीय व खाजगी डॉक्टरांची नियुक्ती करण्यात आली आहे. संबधितावर तज्ज्ञ डॉक्टरांकडून तत्काळ उपचार केले जाणार आहेत. याबाबत कोणतीही भीती अथवा गैरसमज बाळगू नये, असे आवाहनही डॉ. एकनाथ बोधले व डॉ. अरविंद गिराम यांनी केले आहे.
फोटो लाईन ::::::::::::::::::::::
कोरोनाची लस उपजिल्हा रुग्णालयात घेऊन येताना वैद्यकीय अधिकारी व आरोग्य कर्मचारी.