Viral Video: उत्तराखंडमधील बद्रीनाथ आणि केदारनाथसह उंचावरील भागांत ताज्या बर्फवृष्टीनंतर हिमस्खलनाचा इशारा जारी करण्यात आला आहे. विशेष म्हणजे, अवघ्या एका आठवड्याच्या आत राज्यात दुसऱ्यांदा हिमपात झाला आहे. दरम्यान, हिमाचल प्रदेशच्या अनेक भागांतही जोरदार बर्फवृष्टी सुरू असून, चंबा जिल्ह्यातील मिंधल गावात घडलेली एक दुर्मिळ आणि धक्कादायक नैसर्गिक घटना सध्या चर्चेत आहे.
डोंगरावरून वाहू लागली ‘बर्फाची नदी’
मिंधल गावात झालेल्या प्रचंड हिमवृष्टीमुळे डोंगराच्या उतारावर साचलेली बर्फाची जाड चादर अचानक घसरली आणि बर्फ पाण्याप्रमाणे वाहू लागल्याचे दृश्य समोर आले आहे. या घटनेचा व्हिडीओ सध्या सोशल मीडियावर मोठ्या प्रमाणावर व्हायरल होत असून, स्थानिक नागरिकांना या अद्भुत पण धोकादायक दृश्याने अक्षरशः स्तब्ध केले आहे.
X वर व्हिडीओ व्हायरल
हा व्हिडीओ X (ट्विटर)वर @iNikhilsaini या हँडलवरून शेअर करण्यात आला आहे. व्हिडीओच्या कॅप्शनमध्ये म्हटले- “अखेर हिमालयात जोरदार बर्फवृष्टी झालीच. जवळपास सर्व परिसर बर्फाने झाकला गेला आहे. पाणी वाहताना आपण पाहिले आहे, पण आज नदीत बर्फ वाहताना पाहा.”
या घटनेदरम्यान परिसरातील ग्रामस्थांनी पारंपरिक शिट्ट्यांचा वापर करून इतरांना सतर्क केले. या शिट्ट्या हिमालयीन भागात नैसर्गिक आपत्तीची सूचना देण्यासाठी वापरल्या जातात. यामुळे लोकांना सुरक्षित ठिकाणी हलवण्यात मदत झाली आणि मोठी जीवितहानीही टळली. दरम्यान, पांगी खोऱ्यातील रहिवाशांनी हा हिमवर्षाव गेल्या अनेक वर्षांतील सर्वात तीव्र असल्याचे सांगितले आहे. या विक्रमी बर्फवृष्टीमुळे रस्ते बंद पडले असून, जनजीवनही विस्कळीत झाले आहे.
अशा घटना कशामुळे घडतात?
तज्ज्ञांच्या मते, पर्वतीय भागात अशा प्रकारे बर्फाचा ओघ खाली येणे ही तुलनेने सामान्य नैसर्गिक प्रक्रिया आहे. हे प्रामुख्याने जोरदार वाऱ्यांमुळे शिखरांवरील बर्फ सैल होणे, तीव्र उतारांवर मोठ्या प्रमाणात बर्फ साचणे आणि दीर्घकाळच्या कोरड्या हवामानानंतर अचानक झालेली प्रचंड बर्फवृष्टी यामुळे घडते. या प्रकरणातही दीर्घ दुष्काळानंतर झालेल्या विक्रमी हिमवृष्टीमुळे मोठ्या प्रमाणात ताजी बर्फसाठा निर्माण झाला. गुरुत्वाकर्षण शक्ती आणि भू-स्थितीतील अचानक बदलामुळे बर्फाची जाड चादर वेगाने खाली घसरली आणि ‘बर्फाचा झर’ किंवा ‘बर्फाची नदी’ असे दृश्य निर्माण झाले.
Web Summary : Heavy snowfall in Himachal's Chamba district caused a rare 'river of ice' phenomenon. Villagers used traditional whistles to warn others, averting disaster. Record snowfall disrupted life, blocking roads. Experts attribute this to accumulated snow and sudden heavy snowfall after a dry spell.
Web Summary : हिमाचल के चंबा जिले में भारी बर्फबारी से 'बर्फ की नदी' का अद्भुत नज़ारा दिखा। ग्रामीणों ने सीटी बजाकर चेतावनी दी, जिससे आपदा टल गई। रिकॉर्ड बर्फबारी से जीवन अस्त-व्यस्त हो गया, सड़कें बंद हो गईं। विशेषज्ञों ने इसे सूखे के बाद भारी बर्फबारी को कारण बताया।