नवी दिल्ली – कोरोना व्हायरसमुळे संपूर्ण जगभरात लॉकडाऊन झालं, तेव्हापासून आधुनिक तंत्रज्ञानाने या जगाला जवळ आणलं, घरात बसूनही लोक मिटींग घेऊ शकले, शिक्षणाचं नवं माध्यम ऑनलाईन क्लासेस सुरू झाले. Zoom, Meet अशा एप्सवर अनेक विद्यार्थी, उद्योजक, प्रोफेशनल्स जोडले गेले, ग्रुप कॉल्सच्या माध्यमातून अनेकजण एकमेकांशी संवाद साधत होते. याचे चांगले परिणाम जसे आहेत, तसेच काही असे किस्से घडले त्यामुळे सोशल मीडियात चर्चेला उधाण आलं. (Shweta memes trending in Social media internet)
आता हा किस्सा आहे श्वेताचा(Shweta). आता तुम्ही विचाराल की श्वेता कोण? श्वेता या मुलीचं नाव आहे जी झूम कॉलवर ऑनलाईन क्लासवेळी माईक ऑन ठेऊन तिच्या मैत्रिणीशी बोलत होती. श्वेता आणि तिची मैत्रिण राधिका(Radhika) यांच्यातील कॉल संवाद व्हर्चुअल क्लासमधील १११ जणांनी ऐकला, यावेळी अनेकांनी श्वेता तुझा माईक ऑन आहे असं सांगितलं परंतु तिच्यापर्यंत कदाचित तो आवाज पोहचला नाही. श्वेता राधिकासोबत एका मुला-मुलीच्या रिलेशनशिपबद्दल गॉसिप करत होती. त्याच क्लासमधील एकाने हा संपूर्ण संवाद रेकॉर्ड केला, जो सध्या सोशल मीडियात धुमाकूळ घालत आहे.
सध्या श्वेता ट्विटरवर टॉप ट्रेंड करत आहे, श्वेता नावाने अनेक मीम्स व्हायरल होत आहेत. श्वेतासोबतच त्या मुलाबाबतही अनेक जोक्स व्हायरल होत आहे, ज्याने त्याची प्रेमकहाणी श्वेताला ऐकवली होती. जवळपास ६-७ मिनिटांच्या या झूम कॉल रेकॉडिंगमध्ये श्वेता राधिकाला एका मुलाबद्दल सांगत होती, त्या मुलाचं एका मुलीवर खूप प्रेम होतं, आणि श्वेतावर विश्वास ठेवत त्याने तिच्याबद्दल श्वेताला सांगितले. श्वेताने राधिकाला ही सगळी गोष्ट फोनवरून सांगितली. परंतु त्या दोघींचे हे बोलणं १११ जणांनी ऐकलं, यावेळी अनेकांनी श्वेता तुझा माईक बंद कर असं सांगितलं पण तिला ते ऐकायला गेलं नाही. आता यावर मीम्स व्हायरल होत आहेत.
ही पहिल्यांदाच नाही तर यापूर्वीही अनेक किस्से असे ऐकायला मिळाले आहेत. झूम कॉलवेळी एका बैठकीत पॉर्न व्हिडीओही प्ले केल्याची बातमी आहे, लॉकडाऊनकाळात अनेकांनी आधुनिक तंत्रज्ञानाचा वापर केला, पण त्यात असे किस्से घडले, ज्यामुळे अनेकांची गोची झाली.