औंध : शासनाच्या सर्व अटींचे पालन करत औंधसह परिसरातील गावांमधून मोठ्या उत्साहात शिवजयंती साजरी करण्यात आली.
यंदा कोरोनामुळे शासनाने घालून दिलेल्या मार्गदर्शक सूचनांचे शिवभक्तांनी पालन केले. औंध येथे शिवसंकल्प प्रतिष्ठान, राजा श्रीपतराव भगवंतराव महाविद्यालय येथे विविध मान्यवरांच्या उपस्थितीत शिवजयंती साजरी करण्यात आली. यावेळी गावातील सर्व ग्रामस्थ उपस्थित होते,
तसेच गोपूज येथे तळबीड येथून शिवज्योत आणण्यात आली. माजी सैनिक व ग्रामस्थांच्या उपस्थितीत शिवजयंती उत्सव समितीच्यावतीने मोठ्या उत्साहात शिवजयंती साजरी करण्यात आली, ‘जय भवानी जय शिवाजी’च्या जयघोषाने परिसर दणाणून सोडला.
त्याचप्रमाणे पळशी, खरशिंगे, नांदोशी, वर्धन ॲग्रोच्या कार्यस्थळावर, वडी, कळंबी, लांडेवाडी, लोणी, भोसरे यासह प्रत्येक गावात मोठ्या उत्साहात साध्या पद्धतीने शिवजयंती साजरी करण्यात आली.
19खटाव
फोटो :
खटाव तालुक्यातील गोपूज येथे शिवजयंती उत्साहात साजरी करण्यात आली. (छाया :रशिद शेख)