सातारा : खचाखच भरलेले साताऱ्याचे जिल्हा क्रीडा संकुल... त्यातून घुमणारे मल्लांच्या शड्डूचा आवाज अन् उचल मर्दा टाक डाव... असे प्रेक्षकांमधून येणारे आवाज... याच भारावलेल्या वातावरणात महेंद्र गायकवाड याने हिंद केसरीची गदा पटकावली. सुरुवातीलाच महेंद्र याने दोन गुण मिळवले. दरम्यान यावेळी पृथ्वीराज मोहोळ हा जखमी झाल्यामुळे पंचानी महेंद्र गायकवाड याला विजयी घोषित केले. यावेळी महिलांच्याही हिंद केसरी स्पर्धा पार पडल्या. यात हरियाणाची पैलवान काजल चोचाल हिने मानाची गदा पटकावली.
शेकडो कुस्ती शौकिनांच्या उपस्थितीत साताऱ्यातील शाहू स्टेडियमवर रविवारी रात्री ५२ व्या हिंदकेसरी कुस्ती स्पर्धेचा अंतिम सामना रंगला. यंदा महाराष्ट्रामधील दाेन मल्ल हिंदकेसरीच्या गदेसाठी झुंजत असल्याने मैदानावर प्रेक्षकांचा प्रचंड जल्लाेष अनुभवयास मिळाला.
कुस्ती महर्षी साहेबराव पवार यांच्या शतकपूर्ती वर्षानिमित्त भारतीय शैली कुस्ती महासंघ भारत, महाराष्ट्र राज्य भारतीय शैली कुस्ती संघाच्या मान्यतेने राजेश्वर प्रतिष्ठान सातारा व तालीम संघ सातारा यांच्या सहकार्याने ही स्पर्धा पार पडली. शेवटच्या दिवशी सहभागी मल्लांचे उपांत्य व अंतिम सामना घेण्यात आले. उपांत्य सामन्यामध्ये महाराष्ट्रातीलच महेंद्र गायकवाड व पृथ्वीराज माेहाेळ यांच्यात लढत झाली.
यामध्ये उपांत्य सामन्यामध्ये पहिली कुस्ती दिल्ली येथील अनिरूध्द पैलवान व उपमहाराष्ट्र केसरी महेंद्र गायकवाड यांच्यामध्ये रंगली. महेंद्र गायकवाड याने चांगली सुरूवात करत दाेन गुण मिळवले तर अनिरूध्द याने देखील दुहेरी पट काढत दाेन गुणांची कामाई केली. दाेन-दाेन अशी बराेबरी झाल्याने हिंदकेसरीचे मैदान काेण काढणार याची कमालीची उत्सुकता निर्माण झाल्याने मैदानावर शांतता पसरली.
दुसऱ्या फेरीला सुरूवात हाेताच महेंद्र व अनिरूध्द यांनी प्रत्यकी दाेन गुण मिळवल्याने सामना चार-चार असा बराेबरीत सुटला. त्यानंतर महेद्र यांनी चपळाईने चार गुणाची कमाई केली. शेवटच्या क्षणापर्यंत रंगलेल्या या सामन्यामध्ये महेंद्र गायकवाड याने नऊ गुणांची कमाई करत अनिरूध्द पैलवान याचा पराभव केल्याने त्याने फायनलचे तिकीट कन्फर्म केले.
उपांत्य फेरीमधील दुसरी कुस्ती महाराष्ट्राचा पृथ्वीराज माेहाेळ व रझद मंडाेती यांच्यामध्ये झाली. सामन्याच्या सुरुवातीला पृथ्वीराज याने चार गुणांची कमाई करत आघाडी मिळवली. रजतने दुहेरी पट टाकला, मात्र पृथ्वीराजने चपळाईने बचाव केला. या सामन्यात पृथ्वीराजने रजतवर मात करीत अंतिम सामना काढला.
Web Summary : Mahendra Gaikwad won the Hind Kesari title after Prithviraj Mohol was injured. Gaikwad initially scored two points. Haryana's Kajal Chochal won the women's title. The final, held in Satara, saw intense competition and enthusiastic crowds.
Web Summary : पृथ्वीराज मोहोळ के घायल होने के बाद महेंद्र गायकवाड़ ने हिंद केसरी का खिताब जीता। गायकवाड़ ने शुरू में दो अंक बनाए। हरियाणा की काजल चोचल ने महिला खिताब जीता। सतारा में हुए फाइनल में कड़ी प्रतिस्पर्धा और उत्साही भीड़ देखी गई।