बेलवडे खुर्द, ता. पाटण येथील न्यू इंग्लिश स्कूलमध्ये वन वणवा विरोधी जनजागृती सप्ताहाच्या समारोपप्रसंगी ते बोलत होते. यावेळी वनपाल एस. बी. भाट, आनंदा जाधव, वनरक्षक वर्षाराणी चौरे, सावंता लोखंडे उपस्थित होते.
मुख्याध्यापक अनिल मोहिते म्हणाले, पाटण तालुका जैवविविधतेने नटलेला आहे. तालुक्यात विपुल प्रमाणात वनसंपदा असून काही समाजकंटक गैरसमजुतीतून वणवे लावत आहेत. त्यामुळे जंगले जळून खाक होत आहेत. दुर्मीळ वनौषधी वनस्पती नष्ट होत आहेत. सुक्ष्म जीव, पशु, पक्षी यांचा बळी जात आहे. शालेय जीवनातच विद्यार्थ्यांनी पर्यावरणाचे महत्त्व जाणले पाहिजे. अन्नसाखळीतील प्रत्येक प्राण्याचे अस्तित्व महत्त्वाचे आहे. निसर्ग ही एक खूप मोठी शक्ती आहे. निसर्ग आपणास भरभरून देत असतो. मानवाकडून मात्र निसर्गाला विविध प्रकारे ओरबडण्याचे काम सुरू आहे. पशु, पक्षी, प्राणी, वनस्पती यांना बाधा येईल, असे कोणतेही कृत्य आपल्या हातून घडू नये. पर्यावरण रक्षण ही सर्वांची जबाबदारी आहे.
यावेळी विद्यार्थ्यांना वन वणवा विरोधी शपथ देण्यात आली. वणवा लावणाऱ्याला वन कायद्यानुसार दोन वर्षे कारावास व पाच हजार रुपये दंड अशी शिक्षेची तरतूद आहे. वणवा लागल्यास वन विभागास कळवा. तसेच तो आटोक्यात आणण्यासाठी सहकार्य करा, असे आवाहन यावेळी करण्यात आले.
शंकर सुतार यांनी प्रास्तविक व स्वागत केले. जागृती कासार यांनी आभार मानले.
फोटो : १३केआरडी०३
कॅप्शन : बेलवडे खुर्द, ता. पाटण येथील न्यू इंग्लिश स्कूलमध्ये वन वणवा विरोधी जनजागृती सप्ताहाच्या समारोपप्रसंगी वनक्षेत्रपाल विलास काळे यांचे भाषण झाले.