म्हसवड : माण तालुक्यातील जांभुळणी येथील वीरकर वस्ती येथील शेतकरी बाळकृष्ण ज्ञानदेव जानकर (वय ५५) यांनी खासगी सावकाराच्या जाचास कंटाळून मानसिक त्रासातून आत्महत्या केली होती. याप्रकरणी म्हसवड पोलिसांनी तिघांविरुद्ध गुन्हा दाखल केला आहे.जांभुळणी, ता. माण, वीरकर वस्ती येथील शेतकरी बाळकृष्ण ज्ञानदेव जानकर यांनी तीन वर्षांपूर्वी आरोपी अशोक बाबा कोकरे, प्रवीण अशोक कोकरे आणि दीपक अशोक कोकरे (सर्व रा. जांभुळणी, ता. माण, जि. सातारा) यांच्याकडून दहा हजार इतकी रक्कम घेतली होती. ती रक्कम दहा टक्के व्याजासह परत केल्यानंतरही आरोपींनी चक्रवाढ व्याजाचा तगादा लावून त्यांना आर्थिक व मानसिक छळ दिला.याचदरम्यान आरोपींनी व्याजाच्या मोबदल्यात जानकर यांच्या नावावर असलेली २४ गुंठे शेतजमीन दस्तऐवज करून घेतली. उर्वरित रक्कम न देता शेतकऱ्याला त्रास देत राहिले. या त्रासामुळे बाळकृष्ण जानकर यांनी १४ ऑक्टोबर २०२५ रोजी आत्महत्या केली आहे.या घटनेची म्हसवड पोलिस ठाण्यात अकस्मात मृत्यूची नोंद करण्यात आली आहे. या गुन्ह्याचा सहायक पोलिस निरीक्षक अक्षय सोनवणे तपास करीत होते. चौकशीत तिघा आरोपींचा त्रास आणि सावकारी व्यवहार स्पष्ट झाल्याने म्हसवड पोलिस ठाण्यात सावकारीचा गुन्हा दाखल करण्यात आला आहे. पोलिस उपनिरीक्षक वाघमोडे यांच्या मार्गदर्शनाखाली तपास सुरू आहे.
Web Summary : Satara farmer Balakrishna Jankari committed suicide due to harassment by private lenders. Ashok Kokare, Praveen Kokare, and Deepak Kokare are booked for usury and abetment after allegedly seizing land and demanding exorbitant interest, driving Jankari to suicide. Police investigation is underway.
Web Summary : सतारा के किसान बालकृष्ण जानकरी ने निजी उधारदाताओं से परेशान होकर आत्महत्या कर ली। अशोक कोकरे, प्रवीण कोकरे और दीपक कोकरे पर सूदखोरी और उकसाने का मामला दर्ज किया गया है। आरोप है कि उन्होंने जमीन हड़प ली और अत्यधिक ब्याज की मांग की, जिससे जानकरी आत्महत्या के लिए मजबूर हो गए। पुलिस जांच जारी है।