लहान-लहान वेलींना मोठ-मोठी फळे, तर मोठ-मोठ्या वृक्षांना लहान-लहान फळे... निसर्गाचा हा चमत्कारच म्हणावे लागेल. शाहूपुरी परिसरातील वटवृक्षाला अशाच निसर्गनियमांनुसार लहान-लहान लालबुंद फळे लगडली आहेत. (छाया : दिलीप पाडळे)
०५शाहूपुरी-ट्री
सारांश
भरधाव वाहने
वाई : वाई तालुक्यातील अनेक रस्त्यावर वाहने सुसाट चालविली जात आहे. त्यामुळे ताबा सुटल्याने अपघात घडत आहेत. दोन दिवसांपूर्वी असाच अपघात झाला होता. त्यामुळे वेळीच अशा वाहनचालकांवर कारवाई करण्याची गरज आहे.
०००००
रक्तदान शिबिर
सातारा : येथील छत्रपती शिवाजी कॉलेजमध्ये राष्ट्रीय सेवा योजनच्यावतीने रक्तदान शिबिर आयोजित केले होते. यामध्ये सुमारे अठरा विद्यार्थ्यांनी रक्तदान केले. तर ३९ विद्यार्थी-विद्यार्थिनींनी हिमोग्लोबिन तपासणी करून घेतली. यावेली प्राचार्य डॉ. व्ही. एस. शिवणकर, प्राचार्य डॉ. शिवलिंग मेनकुदळे, डॉ. अनिसा मुजावर उपस्थित होत्या.
००००
उद्या पाणी विस्कळीत
सातारा : सातारा शहरातील बहुतांश भागात कासमधून पाणीपुरवठा केला जातो. कासच्या बंदिस्त पाईपलाईनला कासानीजवळ गळती लागली आहे. त्याची दुरुस्ती बुधवारी करण्यात येणार आहे. त्यामुळे गुरुवारी सातारा शहरातील काही भागांत कमी दाबाने किंवा पाणीपुरवठा होणार नाही.
००००००
प्लास्टिकचा वापर
सातारा : साताऱ्यातील बाजारपेठेत गेल्या काही दिवसांपासून प्लास्टिक पिशव्यांचा खुलेआम वापर केला जात आहे. त्यामुळे पर्यावरणाचा ऱ्हास होत असतो. सातारा पालिकेने याबाबत लक्ष घालून फळे विक्रेते, भाजी विक्रेत्यांवर छापे टाकून पिशव्या हस्तगत कराव्यात, अशी मागणी केली जात आहे.
०००००००
वाटाणा स्वस्त
सातारा : सातारा कृषी उत्पन्न बाजार समितीत वाटाण्याची आवक वाढली आहे. त्यामुळे वाटाणा स्वस्त झाला आहे. गेल्या अनेक दिवसांपासून चाळीस रुपये किलो दराचा वाटाणा आता तीस रुपये किलो दराने विकला जात आहे. त्यामुळे नागरिकांमधून मागणी वाढत आहे.
००००००