सांगली : संगीतकार, गीतकार पलाश मुच्छल याच्याविरोधात शहर पोलिस ठाण्यात जातिवाचक शिवीगाळ केल्याप्रकरणी ॲट्रॉसिटीचा गुन्हा नोंद करण्यात आला होता. विज्ञान प्रकाश माने यांनी फिर्याद दिली होती. त्यानंतर शहर पोलिसांच्या पथकाने मुंबईत छापेमारी केली. त्याच्या राहत्या घरी तो सापडला नाही. त्याचा शोध सुरू असल्याचे शहर पोलिसांनी सांगितले.
पोलिसांनी दिलेल्या माहितीनुसार, नोव्हेंबर महिन्यात सांगलीत क्रिकेटपटू स्मृती मानधना व संगीतकार पलाश मुच्छल यांचा विवाह सोहळा होता; पण तो काही कारणांनी रद्द झाला. हा विवाह मोडल्यानंतर पलाश चर्चेत आला होता. मुच्छल यांनी २०२५ मध्ये फिर्यादी विज्ञान माने यांच्याकडून चित्रपट निर्मितीसाठी २५ लाख रुपये घेतले होते.
२२ नोव्हेंबर २०२५ रोजी सांगली ते आष्टा रस्त्यावरील टोल नाका परिसरात माने यांनी मुच्छल यांच्याकडे दिलेल्या २५ लाखांची मागणी केली. त्यावेळी मुच्छल यांनी माने यांना जातिवाचक शिवीगाळ केली. या तक्रारीनंतर शहर पोलिसांनी पलाशविरोधात अनुसूचित जाती व जमाती अधिनियमानुसार गुन्हा नोंद केला आहे.
दरम्यान, शहर पोलिस ठाण्याचे उपनिरीक्षक सागर होळकर, गौतम कांबळे, संतोष गळवे यांनी मुंबईत छापेमारी केली. मुच्छल हा त्याचा मुंबईच्या घरी आढळून आला नाही. पुन्हा त्याचा शोध घेतला जाणार आहे. उपअधीक्षक संदीप भागवत तपास करत आहेत.
Web Summary : Police raided musician Palash Muchhal's Mumbai home after an atrocity case was filed against him for alleged casteist abuse. He was not found at his residence, and a search is underway. The case stems from a financial dispute and alleged abuse in 2025.
Web Summary : जातिवादी गाली मामले में पलाश मुच्छल के मुंबई स्थित घर पर पुलिस ने छापा मारा। वह घर पर नहीं मिले, तलाश जारी है। मामला 2025 में वित्तीय विवाद और कथित दुर्व्यवहार से उपजा है।