सांगली : महापालिका क्षेत्रात स्मार्ट एलईडी प्रकल्प राबवण्यासाठी समुद्रा कंपनीशी केलेला करार एकतर्फी व कंपनीच्या हिताचा आहे. या कंपनीला १५ वर्षात तब्बल ४२० कोटीपेक्षा जास्त रक्कम द्यावी लागणार आहे. वेळोवेळी होणारी वीज दरवाढ पाहता ही रक्कम ७०० ते ८०० कोटींवर जाणार असून, पालिकेला मोठा अर्थिक भुर्दंड बसणार आहे. त्यामुळे आयुक्तांनी तातडीने हा करार रद्द करावा व ईडीमार्फत चौकशी करावी, अशी मागणी भाजपचे युवानेते पृथ्वीराज पवार यांनी पत्रकार बैठकीत केली.
पवार म्हणाले, महापालिकेच्या एलईडी प्रकल्पासाठी कंपनीने केवळ १० कोटी रुपयांची गुंतवणूक केली आहे. वर्षाला देखभाल दुरुस्तीसाठी कंपनी सुमारे ५ कोटी २५ हजार रुपये खर्च करणार आहे. मात्र, यातून कंपनी वर्षाला तब्बल २८ कोटींचे उत्पन्न मिळविणार आहे. गेल्या तीन वर्षातील कंपनीचे बिल १०८ कोटी रुपये झाले असून, यातील ५० कोटी रुपये कंपनीला पालिकेने दिले आहेत. उर्वरित ५४ कोटी रुपये कंपनी मागत आहे. महावितरणच्या आजच्या दराप्रमाणे कंपनी १५ वर्षांत सव्वाचारशे कोटी रुपये मिळवणार आहे.
१५ वर्षांत होणारी वीज दरवाढ पाहता कंपनीला ७०० ते ८०० कोटी रुपये द्यावे लागणार आहेत. महापालिकेने हा करार रद्द केला, तर कंपनीला १,८०० कोटी रुपये द्यावे लागणार आहेत. कंपनीच्या बिलावरील जीएसटीही महापालिकाच भरणार आहे. त्यामुळे हा करार महापालिकेची लूट करणारा असल्याचा आरोप पवार यांनी केला.
'त्याच' लोकांचा सहभाग ?
कवलापूर विमानतळाची जागा हडप करणारे, जकात ठेक्यात लवाद नेमणारेच समुद्रा कंपनीच्या मागे असल्याचा संशय आहे. याबाबत माहिती घेत असून, लवकरच त्यांची नावे उघड करण्यात येतील, असा इशारा पृथ्वीराज पवार यांनी दिला.
Web Summary : BJP's Prithviraj Pawar alleges Sangli Municipality's LED project contract favors the company, costing it ₹700 crores. He demands contract cancellation and ED investigation, citing inflated bills and suspect involvement.
Web Summary : भाजपा के पृथ्वीराज पवार का आरोप है कि सांगली नगर निगम का एलईडी परियोजना अनुबंध कंपनी के पक्ष में है, जिससे ₹700 करोड़ का नुकसान होगा। उन्होंने अनुबंध रद्द करने और ईडी जांच की मांग की।