वारणावती (जि. सांगली) : सह्यादी व्याघ्र प्रकल्पातील चांदोली अभयारण्य परिसरात अलीकडेच राखाडी डोक्याचा मत्स्य गरुड या दुर्मीळ शिकारी पक्ष्याची अधिकृत नोंद करण्यात आली आहे. पक्षी निरीक्षकांच्या पथकाने केलेल्या या निरीक्षणामुळे पश्चिम घाटातील परिसंस्थेच्या जल-आधारित आरोग्याबाबत महत्त्वपूर्ण संकेत मिळाले आहेत.
उक्त प्रजातीची वैशिष्ट्ये स्पष्ट ओळखण्यास मदत करतात डोके फिकट राखाडी शरीर गडद तपकिरी, उदरभाग फिकट तर शेपटी पांढरी असून, टोकास ठळक काळी पट्टी दिसते. हा पक्षी प्रामुख्याने मत्स्याहारी असून जलाशयांच्या काठावरील उंच वृक्षांवरून निरीक्षण करत अचानक झेप घेत मासे पकडतो. त्याचे अधिवास प्राधान्य संथ प्रवाह असलेल्या नद्या, तलाव, सरोवरे व मोठ्या जलाशयांच्या किनाऱ्यांशी निगडित आहे. परिसंस्थाशास्त्रीय दृष्टीने ही प्रजाती की-स्टोन निर्देशक मानली जाते. तिची उपस्थिती जलस्त्रोतातील अन्नसाखळी संतुलित व कार्यक्षम असल्याचे द्योतक असते. विशेषत कोयना, चांदोली पाणलोट क्षेत्रात या गरुडाची नोंद होणे, तेथील जैवविविधतेची गुणवत्ता आणि अधिवासाची उपयुक्तता अधोरेखित करते.
Web Summary : Chandoli Sanctuary reports rare Grey-Headed Fish Eagle sighting. This indicates a healthy aquatic ecosystem in the Western Ghats, especially in the Koyna-Chandoli catchment area, highlighting biodiversity and habitat suitability. Its presence signals a balanced food chain.
Web Summary : चांदोली अभयारण्य में दुर्लभ धूसर सिर वाले मत्स्य गरुड़ का दर्शन हुआ। यह पश्चिमी घाट, विशेष रूप से कोयना-चांदोली जलग्रहण क्षेत्र में एक स्वस्थ जलीय पारिस्थितिकी तंत्र का संकेत देता है, जो जैव विविधता और आवास उपयुक्तता को उजागर करता है। इसकी उपस्थिति एक संतुलित खाद्य श्रृंखला का संकेत है।