शिराळा : येथील शिराळा तहसील कार्यालयात ‘राष्ट्रीय मतदार दिवस’ साजरा करण्यात आला. शिराळा प्रथमवर्ग न्यायदंडाधिकारी भूषण काळे, तहसीलदार गणेश शिंदे यांची प्रमुख उपस्थिती होती.
तहसीलदार गणेश शिंदे यांनी राष्ट्रीय मतदार दिवसाचे उद्दिष्ट महत्त्व विशद केले. साहाय्यक जिल्हाधिकारी तथा तहसीलदार आयुषी सिंग म्हणाल्या, जोपर्यंत देशात जागृत मतदार आहेत, तोपर्यंत देशाचे भविष्य उज्ज्वल आहे.
यावेळी मान्यवरांच्या हस्ते रांगोळी चित्रकला स्पर्धा तसेच मतदान केंद्रस्तरीय अधिकारी म्हणून उत्तम कामगिरी केलेल्या अधिकाऱ्यांचा सत्कार करण्यात आला. नगरपंचायत लिपिक बाबाजी शहानेदिवाण, गणपती इंगवले, ग्रामसेवक एस. एस. कुमार, नंदिनी पाटील यांचा विशेष सत्कार केला. रांगोळी चित्रकला स्पर्धेचे विजेते अनुक्रमे पुढीलप्रमाणे : चित्रकला गणराज चौधरी, अंकुश पाटील आणि रांगोळी स्पर्धेचे विजेते अनुक्रमे अनुराधा मोहिते, किरण घुळे, प्रेरणा कांबळे.
चौकट
'ई - इपिक' या डिजिटल प्रणालीद्वारे शिराळा तालुक्यातील पहिले ओळखपत्र सत्यजित शिंदे (शिराळा) या युवकास देण्यात आले.
यावेळी न्या. भूषण काळे, साहाय्यक जिल्हाधिकारी आयुषी सिंह, तहसीलदार गणेश शिंदे, कृषी अधिकारी गणपती पाटील, आदी उपस्थित होते.