शाळा सुरू करण्यासाठी जिल्हा परिषद सज्ज

लोकमत न्यूज नेटवर्क

पुणे : राज्यातील ५ वी ते ८वीपर्यंतच्या शाळा बुधवारपासून (दि. २७) सुरू करण्याचे आदेश राज्य शासनाने दिले आहे. या शाळा कोरोना सुरक्षितता उपाययोजनानंतरच सुरू करण्यात याव्या तसेच शिक्षकांच्या आटीपीआर चाचण्या कराव्या, अशा सूचना जिल्ह्याधिकारी डॉ. राजेश देशमुख यांनी जिल्हा परिषदेच्या मुख्य कार्यकारी अधिकाऱ्यांना दिल्या आहेत. त्यानुसार शाळा सुरू करण्यासाठी जिल्हा परिषदेचा शिक्षण विभाग सज्ज झाला आहे.

जिल्ह्यातील यापूर्वी ९ वी ते १२ वीच्या शाळा सुरू झाल्या आहेत. आता जिल्हा परिषदेच्या ५ वी ते ८ वीच्या शाळा बुधवारपासून सुरू होणार आहे. ५ वी ते ८वीच्या जिल्ह्यात २ हजार २६८ शाळा आहेत. या शाळांवर जवळपास १० हजार ९९९ शिक्षक कार्यरत आहेत. तर ३ लाख ७० हजार ५०५ विद्यार्थी संख्या आहे. या शाळा सुरू

करण्यापूर्वी विद्यार्थ्यांच्या सुरक्षेच्या दृष्टीने शाळा व्यवस्थापन समितीच्या बैठका घेऊन पालकांच्या परवानगीने शाळा सुरू केल्या जाव्यात, अशा सूचना जिल्ह्याधिकाऱ्यांनी दिल्या आहेत. त्यानुसार शाळा परिसराचे निर्जंतुकीकरण सुरू आहे. शिक्षकांच्या आटीपीसीआर चाचण्याच्या सुचना दिल्या असून ज्याचे अहवाल निगेटीव्ह येतील अशा शिक्षकानांच शाळेत प्रवेश दिला जाणार आहे. विद्यार्थ्यांचे तापमान मोजण्यासाठी थर्मोमीटर स्कॅनर, पल्स ऑक्सिमीटर तसेच सुरक्षित वाहतूक व्यवस्था चोख ठेवण्यात आली आहे. एखाद्या शाळेत विलगीकरण कक्ष असल्यास ते इतरत्र हलवावे आणि इमारतीचा ताबा शाळेला देण्यापूर्वी त्याचे निर्जंतुकीकरण करण्यात यावे, अशा सूचना दिल्या होत्या. त्यानुसार सर्व तयारी करण्यात आली आहे.

विद्यार्थ्यांमध्ये शारीरिक अंतर राखण्याच्या काटेकोर सूचना देण्यात आल्या आहेत. बैठक व्यवस्थेत योग्य अंतर राखण्यात यावे. तसेच तशी व्यवस्था नसल्यास मोकळ्या जागेत शाळा भरवण्यात यावे. एका बाकावर एक विद्यार्थ्याला बसवण्यात यावे. तसेच शाळेच्या दर्शनी भागात मार्गदर्शक सूचना लावण्याच्या सूचनाही दिल्या आहेत.

चौकट

विद्यार्थ्यांना मास्क लावणे बंधनकारक आहे, शाळा परिसरात उभे राहताना सहा फुटांचे अंतर ठेवावे, शाळा परिसरात थुंकण्यास बंदी, गर्दी होण्याच्या ठिकाणी उदाहरणार्थ पाणी पिण्याचे ठिकाण, स्वच्छतागृह आदी ठिकाणी अंतर राखण्यासाठी वर्तुळ आखण्यात आले आहेत.

चौकट

पाचवी ते आठवी पर्यंत शाळा शिक्षकांची संख्या विद्यार्थ्यांची संख्या

२२६८ १०९९९ ३७०५०५