पुणे : इमारतीच्या छतावर प्लास्टिक टाकी बसवताना झालेल्या दुर्घटनेत टाकी कोसळून कामगाराचा मृत्यू झाल्याची घटना एरंडवणे भागातील एका सोसायटीत घडली. दुर्घटनेस जबाबदार ठरल्या प्रकरणी एका विरोधात डेक्कन पोलिसांनी गुन्हा दाखल केला. राहुल श्रीकांत सतनामी (वय २१, रा. रायकर मळा, धायरी, सिंहगड रस्ता) असे मृत्युमुखी पडलेल्या तरुणाचे नाव आहे. याबाबत त्याची आई सीमा (वय ४४) यांनी डेक्कन पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, एरंडवणे परिसरातील गुलमोहर अपार्टमेंटच्या आवारात पॅथालॉजी लॅबोरेटरी आहे. लॅबोरेटरीत पाणी पुरवठा करण्यासाठी टाकी बसवण्याचे काम २० फेब्रुवारी रोजी दुपारी करण्यात येत होते. टाकी बसवण्यासाठी गजाचा आधार देण्यात आला होता. तो गज तुटल्याने टाकी बसवणाऱ्या राहुल सतनामी याच्या अंगावर टाकी काेसळली. त्याला गंभीर दुखापत झाली. त्याला तातडीने खासगी रुग्णालयात दाखल करण्यात आले. उपचारादरम्यान त्याचा मृत्यू झाला. पुढील तपास पोलिस उपनिरीक्षक भोसले करत आहेत.
Web Summary : A worker died in Erandwane, Pune, after a water tank collapsed during installation. Negligence is suspected; police have filed a case against one individual. The victim was Rahul Satnami, 21.
Web Summary : पुणे के एरंडवणे में पानी की टंकी लगाते समय गिरने से एक मजदूर की मौत हो गई। लापरवाही का संदेह है; पुलिस ने एक व्यक्ति के खिलाफ मामला दर्ज किया है। मृतक राहुल सतनामी, 21 वर्ष का था।