US Israel Iran War : इराण आणि अमेरिका यांच्यातील युद्धात अमेरिकेला लष्करी मदत देण्यास फ्रान्सने स्पष्ट नकार दिल्यानंतर, इराणनेफ्रान्सला मोठी भेट दिली आहे. जागतिक व्यापारासाठी अत्यंत महत्त्वाच्या आणि सध्या बंद असलेल्या 'हॉर्मुझच्या सामुद्रधुनीतून' (Strait of Hormuz) एका फ्रेंच कंटेनर जहाजाला सुरक्षित प्रवासाची परवानगी इराणने दिली आहे.
२८ फेब्रुवारी रोजी युद्ध सुरू झाल्यापासून इराणने हा सागरी मार्ग बंद केला होता. केवळ भारत, चीन आणि रशिया यांसारख्या इराणच्या मित्रराष्ट्रांच्या जहाजांनाच येथून प्रवेश मिळत होता. मात्र, फ्रान्सचे राष्ट्राध्यक्ष इमॅन्युएल मॅक्रॉन यांनी "आम्ही या युद्धात अमेरिकेला मदत करू शकत नाही," असे जाहीर केल्यानंतर, मार्चपासून अडकलेले फ्रेंच जहाज अखेर मार्गस्थ झाले आहे.
जहाजाच्या ट्रॅकिंग डेटानुसार, फ्रेंच शिपिंग कंपनी CMA CGM चे कंटेनर जहाज, इराण युद्ध सुरू झाल्यापासून होर्मुझच्या सामुद्रधुनीतून प्रवास करणारे पश्चिम युरोपच्या दिशेने जाणारे पहिले जहाज ठरले आहे.
एएफपी वृत्तसंस्थेनुसार, जगातील तिसऱ्या क्रमांकाच्या सर्वात मोठ्या कंटेनर शिपिंग कंपनीचे माल्टी ध्वजांकित जहाज 'सीएमए सीजीएम क्रिबी' गुरुवारी दुपारी दुबईजवळील समुद्रातून पूर्वेकडे निघाले.
जहाजाच्या ट्रॅकिंग डेटानुसार, इराणी किनाऱ्यावरून जाताना जहाजाच्या ऑटोमॅटिक आयडेंटिफिकेशन सिस्टीमने (AIS) ते एका फ्रेंच कंपनीचे असल्याचे दर्शवले आणि या फ्रेंच जहाजाने केशम आणि लारक बेटांमधील आपल्या मंजूर मार्गाचे अनुसरण केले.
फ्रेंच जहाज मार्च महिन्यापासून होर्मुझच्या सामुद्रधुनीजवळ अडकले होते
२८ फेब्रुवारी रोजी अमेरिका आणि इस्रायलने इराणविरुद्ध युद्ध सुरू केल्यापासून, आखातात अनेक जहाजे अडकली आहेत. जागतिक व्यापारासाठी एक महत्त्वाचा सागरी मार्ग असलेली होर्मुझची सामुद्रधुनी बंद करून इराणने प्रत्युत्तर दिले.
इराण ज्यांना आपले मित्रराष्ट्र मानतो, अशा भारत, चीन, रशिया, इराक आणि पाकिस्तान यांसारख्या विशिष्ट देशांच्या जहाजांनाच या मार्गातून जाण्याची परवानगी आहे. इतर जहाजांप्रमाणेच, हे फ्रेंच जहाजही मार्च महिन्यापासून आखाती प्रदेशात अडकून पडले होते.
मिळालेल्या माहितीनुसार, फ्रेंच जहाज कंपनीने होर्मुझच्या सामुद्रधुनीतून जाण्याची परवानगी मिळवण्यासाठी इराणी सागरी अधिकाऱ्यांशी संपर्क साधला होता. हे जहाज काँगो प्रजासत्ताकातील पॉईंट-नोअरकडे जात असल्याचे मानले जाते. ही सेवा भारत, मध्य पूर्व, आखाती प्रदेश आणि आफ्रिका यांना जोडते. यापूर्वी, चिनी कंपन्यांच्या जहाजांनीही या मार्गावरून यशस्वीपणे प्रवास केला आहे.
Web Summary : Following France's refusal to militarily aid the US in a potential war against Iran, Iran has allowed a French container ship passage through the Strait of Hormuz, previously restricted to its allies. This offers a significant trade route after closure since February.
Web Summary : ईरान-अमेरिका युद्ध में फ्रांस द्वारा सैन्य मदद से इनकार के बाद, ईरान ने फ्रांस को होर्मुज जलडमरूमध्य से जहाज गुजारने की अनुमति दी, जो पहले केवल सहयोगी देशों के लिए खुली थी। फरवरी से बंद इस मार्ग से व्यापार को बढ़ावा मिलेगा।