Pune: महिलेच्या आकस्मित मृत्यूचे गूढ उलगडले, जबरदस्ती रिक्षातून नेलं, सामूहिक अत्याचाराचा संशय अन् खून

या गुन्ह्यातील तीनही आरोपी रेकॉर्ड वरील गुन्हेगार असून त्यांनी या महिलेला जबरदस्तीने रिक्षात बसवून निर्जन स्थळी नेले होते

धनकवडी : मांगडेवाडी येथील दगडाच्या खाणीत महिलेला ढकलून हत्या करण्यात आली होती. संशयित अवस्थेत आढळून आलेल्या या महिलेच्या मृत्यूचे गुढ उलगडे असून महिलेवर आधी बलात्कार करून तिला दगडाच्या खाणीत ढकलून खून करण्यात आला असल्याची शक्यता वर्तवली जात आहे. भारती विद्यापीठ पोलीस स्टेशन अंतर्गत ही धक्कादायक घटना घडली. 

पोलिस स्टेशनमध्ये गुन्हा दाखल होताच या प्रकरणी भारती विद्यापीठ पोलीस आणि गुन्हे शाखा पोलिसांनी सहा आरोपींच्या मुसक्या आवळल्या आहेत. केशव चौधरी, सोन्या पवार, अब्दुल शेख, साई पुजारी, सोहल खान, (सर्व वय २० वर्षे,) महादेव भोराडे, (वय ४० वर्षे ) अशी अटक आरोपींची नावे आहेत.

प्राथमिक माहितीनुसार, आरोपींनी या महिलेला जबरदस्तीने रिक्षात बसवून निर्जन स्थळी नेले. तिला काठीने मारहाण केली आणि नंतर एकाने तिला खाणीत ढकलून दिले. सीसीटीव्हीमधे ओळखले जाऊ नये म्हणून आरोपींनी रिक्षाचे हूड देखील बदलले होते.